උණ රෝගය වැළඳී ඇති ළමුන් කඩිනමින් වෛද්ය ප්රතිකාර සඳහා යොමු කිරීමට මව්පියන් පියවර ගතයුතු බව සෞඛ්ය අංශ අවධාරණය කරනවා. දරුවාට නිසි ප්රතිකාර ලබා දීමට ඇති අවස්ථාව අහිමිකරමින්, ඔවුන්ගේ ජීවිත අනවශ්ය ලෙස අවධානමට ලක් නොකරන ලෙසයි කොළඹ රිජ්වේ ආර්යා ළමා රෝහලේ අධ්යක්ෂ විශේෂඥ වෛද්ය ප්රදීප් රත්නසේකර මහතා මව්පියන්ට දැනුම් දෙන්නේ. ඔහු පෙන්වා දෙන්නේ රිජ්වේ ආර්යා ළමා රෝහලේ මේ වන විටත් ඩෙංගු රෝගය වැළඳුන ළමුන් 50දෙනෙකු පමණ ප්රතිකාර ලබන බවයි. මේ අතර දිවයිනේ දිස්ත්රික්ක කිහිපයකින්ම තවදුරටත් සැලකියයුතු ඩෙංගු රෝගීන් සංඛ්යාවක් දෛනිකව වාර්තා වන බව ජාතික ඩෙංගු මර්ධන ඒකකය පවසනවා. එමෙන්ම එහි ප්රජා වෛද්ය විශේෂඥ ප්රශිලා සමරවීර මහත්මිය සඳහන් කළේ මේ දක්වා සිදුව ඇති ඩෙංගු මරණ 61න් 47ක්ම කාන්තාව වන බවයි.
