2024 විස්සයි විස්ස ලෝක කුසලාන ක්රිකට් තරඟාවලියේ ඊයේ පැවති 11 වැනි තරඟයෙන් පාකිස්ථාන කණ්ඩායම සුපිරි පන්දුවාරයේදී පරාජය කිරීමට අමෙරිකා එක්සත් ජනපද කණ්ඩායම ඊයේ සමත් වුණා.
මෙම තරඟයේ පළමුවෙන් පන්දුවට පහරදුන් පාකිස්ථාන කණ්ඩායම නියමිත පන්දුවාර විස්ස අවසානයේ කඩුලු 07ක් දැවී ලකුණු 159ක් රැස් කළා.
එහිදී නායක බාබර් අසාමා ලකුණු 44ක් සහ ෂදාබ් ඛාන් ලකුණු 40ක් රැස් කිරීම සමත් වුණා.
පන්දු යැවීමේදී නොස්තුෂ් කෙන්ජිගේ ලකුණු 30ට කඩුලු 3ක් බිඳ හෙළුවා.
ඒ අනුව පිළිතුරු ඉනිම ක්රීඩා කළ අමෙරිකානු කණ්ඩායම පන්දුවාර 20 අවසානයේ කඩුලු 3ක් දැවී ලකුණු 159ක් ලබා ගනිමින් තරඟය සම කිරීමට සමත් වුණා.
එහිදී නායක මොනාක් පටෙල් ලකුණු 50ක් රැස් කිරීමට සමත් වුණා. පන්දු යැවීමේදී මොහොමඩ් අමීර්, නෂීම් ශාහ් සහ හාරිස් රවුෆ් එක් කඩුල්ල බැගින් බිඳ හෙලුවා.
අනතුරුව තරඟය සම වීම හේතුවෙන් සුපිරි පන්දුවාරයක් ක්රියාත්ම කිරීමටයි කටයුතු කරනු ලැබුවේ.
එම සුපිරි පන්දුවාරයේ පළමුවෙන් පන්දුවට පහරදුන් අමෙරිකානු කණ්ඩායම කිසිවෙකු නොදැවී ලකුණු 18ක් රැස් කළා.
ඒ අනුව පිළිතුරු ඉනිම ක්රීඩා කළ පාකිස්තාන කණ්ඩායමට සුපිරි පන්දුවාරයේදී එක් කඩුල්ලක් දැවී රැස්කරගත හැකි වූයේ ලකුණු 13ක් පමණයි.
