නීති විරෝධී ලෙස රැගෙන ඒමට උත්සාහ කළ බීඩි කොළ කිලෝග්‍රෑම් 477කට අධික තොගයක් මීගමුවේදී නාවක හමුදාව භාරයට ගෙන තිබෙනවා.
පසුගිය 03 වැනිදා නාවික හමුදාව මීගමුව කලපු ප්‍රදේශයේ සිදු කරන ලද විශේෂ සෝදිසි මෙහෙයුමකදී මෙලෙස නීති විරෝධීව මෙරටට ගෙන ඒමට උත්සාහ කළ බීඩි කොළ තොගය රැගත් ඩිංගි යාත්‍රාවක් සමග සැකකරුවන් දෙදෙනෙක් නාවික හමුදා භාරයට ගෙන තිබෙනවා.
බටහිර නාවික විධානයට අයත් නාවික නෞකා කැලනි ආයතනය විසින් මීගමුව කලපුව ප්‍රදේශයේ සිදු කරන ලද සෝදිසි මෙහෙයුමේදී මීගමුව කලපු ප්‍රදේශයේ සැකකටයුතු ලෙස යාත්‍රා කරමින් තිබී ඩිංගි යාත්‍රාවක් පරීක්ෂාවට ලක්කර තිබෙනවා.
එහිදී එම යාත්‍රාව තුළ උර දහ තුනක අසුරා තිබූ බීඩි කොළ කිලෝග්‍රෑම් 477කට අධික තොගයක් සමග සැකකරුවන් දෙදෙනා සමග ඩිංගි යාත්‍රාව නාවික හමුදා භාරයට ගෙන තිබෙනවා.
එලෙස නාවික හමුදා භාරයට ගැනුණු සැකකරුවන් වයස අවුරුදු 33ත් 36ත් වයසේ පසුවන මීගමුව සෙත්තපාඩුව ප්‍රදේශයේ පදිංචි පුද්ගලයන්බවට හඳුනාගෙන ඇති අතර එම සැකකරුවන්, ඩිංගි යාත්‍රාව සහ බීඩි කොළ තොගය ඉදිරි නීතිමය කටයුතු සඳහා කටුනායක රේගු නිවාරණ කාර්යාලය වෙත භාරයටදීමට නාවික හමුදාව කටයුතු කර තිබෙනවා.
