මුදල් කොල්ලකන ලද බවට ලද පැමිණිල්ලකට අනුව ඊට සම්බන්ධ සැකකරුවකේ හා එයට ආධාර අනුබල දුන් සැකකරුවෙක් බස්නාහිර පළාත උතුරු අපරාධ කොට්ඨාසය විසින් අත්අඩංගුවට ගෙන තිබෙනවා.
පසුගිය 03 වන දින හොරණ බැංකුවක මුදල් උප ශාඛාවන් වෙනත රැගෙන යාමට සූදානම් කර එම ආයතනයෙන් පිටතට රැගෙන ඒමේදී නාඳුනන පුද්ගලයෙක් විසින් මුදල් රුපියල් තුන් කෝටි පනස් ලක්ෂයක් කොල්ලකන ලද බවට හොරණ පොලිස් ස්ථානයට ලද පැමිණිල්ල මත බස්නාහිර පළාත උතුර අපරාධ කොට්ඨාසය විසින් විමර්ශන සිදුකරනු ලැබුවා.
ඒ අනුව එම කොට්ඨාසයේ නිලධාරීන් කණ්ඩායමක් විසින් වැඩිදුර විමර්ශන සිදුකර ඊයේ(05) දින උදෑසන අඟුරුවාතොට නගර සභා ක්රීඩා පිටිය අසලදී මෙම අපරාධයට සම්බන්ධ සැකකරුවෙක් වන එම බැංකුවේම අතිරේක කළමනාකරුවෙකු හා ඊට ආධාර අනුබල දුන් එම බැංකුවේම ආරක්ෂක නිලධාරියෙකු සොරා ගන්නා මුදලින් රුපියල් දාහත් ලක්ෂ හතළිස් දහසක මුදලක්ද සමගින් අත්අඩංගුවට ගෙන තිබෙනවා.
සැකකරුවන් වයස අවුරුදු 43 සහ 54 යන වයස්වල පසුවන හොරණ සහ බුලත්සිංහ ප්රදේශවල පදිංචිකරුවන් බවයි පොලිසිය කියා සිටියේ.
බස්නාහිර පලාත උතුර අපරාධ කොට්ඨාසය වැඩිදුර විමර්ශන සිදුකරනු ලබනවා.
