ඉන්දීය ප්‍රිමියර් ලීග් ක්‍රිකට් තරගාවලියේ ඊයේ පැවති තරග දෙකෙන් ජය වාර්තා කිරීමට මුම්බායි ඉන්දියන්ස් කණ්ඩායම සහ ගුජරාට් ටයිටන්ස් කණ්ඩායම සමත් වුණා.
ඒ සන්රයිසස් හයිද්‍රාබාද් කණ්ඩායම සහ රෝයල් චැලෙන්ජර්ස් බැංගලෝර් කණ්ඩායම පරාජයට පත් කරමින්.
මෙහිදී පළමු තරගයේදී හයිද්‍රාබාද් කණ්ඩායම පරදා කඩුළු 08ක ජයක් වාර්තා කිරීමට මුම්බායි කණ්ඩායම සමත් වුණා.
එහිදී පළමුවෙන් පන්දුවට පහරදුන් හයිද්‍රාබාද් කණ්ඩායම නියමිත පන්දුවාර 20 අවසානයේ කඩුළු 5ක් දැවී ලකුණු 200ක් ලබා ගත්තා.
පිළිතුරු ඉනිම ක්‍රීඩා කළ මුම්බායි කණ්ඩායම නියමිත පන්දුවාර 20 අවසානයේ කඩුළු 2ක් පමණක් දැවී ලකුණු 201ක් ලබා ගනිමින් තරගය ජයග්‍රහණය කළා.
එහිදී අගනා ඉනිමක් ක්‍රීඩා කළ කැමරන් ග්‍රීන් නොදැවී පන්දු 47දී ලකුණු 100ක් රැස් කිරීමට සමත් වුණා.
මේ අතර දෙවැනි තරගයෙන් බැංගලෝර් කණ්ඩායම පරදා කඩුළු 06ක ජයක් වාර්තා කිරීමට ගුජරාට් කණ්ඩායම සමත් වුණා.
එහිදී පළමුවෙන් පන්දුවට පහරදුන් බැංගලෝර් කණ්ඩායම නියමිත පන්දුවාර 20 අවසානයේ කඩුළු 5ක් දැවී ලකුණු 197ක් රැස් කළා.
එහිදී විරාත් කෝලි පන්දු 61දී ලකුණු 101ක් ලබා ගත්තා.
පිළිතුරු ඉනිම ක්‍රීඩා කළ ගුජරාට් කණ්ඩායම පන්දුවාර 19යි එක් පන්දුවක් අවසානයේ කඩුළු 4ක් දැවී ලකුණු 198ක් ලබා ගනිමින් තරගය ජයග්‍රහණය කළා.
එහිදී අගනා ඉනිමක් ක්‍රීඩා කළ ශුබ්මන් ගිල් පන්දු 52දී නොදැවී ලකුණු 104ක් රැස් කළා.
මෙම තරග පරාජයත් සමග රෝයල් චැලෙන්ජර්ස් බැංගලෝර් කණ්ඩායමට තරගාවලියෙන් ඉවතට යෑමට සිදු වුණා.
