දකුණු කොරියාවේ දී පැවැත්වෙන 2023 ආසියානු යොවුන් දැල්පන්දු ශූරතා තරගාවලියේ දී සත්කාරක දකුණු කොරියාවට එරෙහිව දැවැන්ත ජයග්‍රහණයක් වාර්තා කිරීමට ශ්‍රී ලංකා ක්‍රීඩිකාවන් ඊයේ සමත් වුණා.
එහිදී ලකුණු 94 ට 08ක් ලෙස තරගය ජය ගැනීමටයි ශ්‍රී ලංකා ක්‍රීඩිකාවන් සමත් වුණේ.
12 වැනි වරට පැවැත්වෙන ආසියානු යොවුන් දැල්පන්දු ශූරතා තරගාවලිය පෙරේදා දිනයේදී ආරම්භ වූ අතර තරගාවලියේ ශ්‍රී ලංකා කණ්ඩායම ක්‍රීඩා කළ පළමු තරගය වූයේ මෙයයි.
