5 වසර ශිෂ්‍යත්ව විභාගය සමත් සිසුන්ට පාසල් තෝරා ගැනීම සදහා වන කඩඉම් ලකුණු මාර්තු 22 වනදාට පෙර නිකුත් කරන බව අධ්‍යාපන අමාත්‍යාංශයේ අතිරේක ලේකම් ලලිතා එගොඩවෙල මහත්මිය පවසනවා.
ශිෂ්‍යත්ව විභාගයට පෙනී සිටි ලකුණු 153කට වඩා ලබා ගත් දරුවන් සදහා 6 ශ්‍රේණිය සදහා වන පාසල් කඩඉම් ලකුණු මෙලෙස නිකුත් කරනු ඇති බවටයි ඇය කියා සිටියේ.
ලකුණු 153 ක් සහ ඊට වඩා ලබා ගත් දරුවන් 48 257 කට පාසල් අයදුම් කිරීමට මෙමගින් අවස්ථාව හිමි වනු ඇති.
එක් සිසුවෙකුට තමා කැමති පාසල් 10 ක් ඉල්ලා සිටිය හැකි අතර දරුවන් ලබා දෙන අයදුම්පත් විදුහල්පතිවරයා විසින් පරිගණක දත්ත පද්ධතියට ඇතුලත් කරන බවත්, එම දත්ත පරීක්ෂා කිරීමෙන් අනතුරුව පාසල් තෝරාගැනීමේ කඩඉම් ලකුණු නිකුත් කරනු ඇති බවටයි අධ්‍යාපන අමාත්‍යාංශයේ අතිරේක ලේකම්වරිය වැඩිදුරටත් කියා සිටියේ.
