ඇල්පිටිය පොලිස් කොට්ඨාශයේ ඊයේ රාත්‍රියේ ස්ථාන 2 ක සිදු වූ වෙඩි තැබීම් සංවිධානාත්මක අපරාධ කල්ලි අතර ගැටුමක ප්‍රතිඵලයක් බවට අනාවරණය වී තිබෙනවා.
මේ අනුව අදාළ වෙඩි තැබීම් දෙකම එකම කණ්ඩායමක් විසින් සිදුකර ඇති බවටයි අනාවරණය වී ඇත්තේ.
මේ අතර පිටිගල සහ අම්බලන්ගොඩ යන ප්‍රදේශවල සිදු වූ වෙඩිතැබීම් 2 කින් පුද්ලයන් සිව් දෙනෙකු මියගොස් තවත් පුද්ගලයින් 6 දෙනෙකු තුවාල ලබා තිබුණා.
පොලිසිය ප්‍රකාශ කළේ පිටිගල ගුරුවල ප්‍රදේශයේ වෙළදසැලක් අසලදී ඊයේ රාත්‍රීයේ සිදු වූ වෙඩිතැබීමකින් පුද්ගලයින් දෙදෙනෙකු මියගොස් තවත් තිදෙනෙකු තුවාල ලබා ඇති බවයි.
එමෙන්ම අම්බලන්ගොඩ ගලබොඩ ප්‍රදේශයේ වෙළදසැලක් තුළ සිදු වූ වෙඩි තැබීමකින් පුද්ගලයින් දෙදෙනෙකු මියගොස් තවත් පුද්ගලයින් තිදෙනෙකු තුවාල ලබා තිබුණා.
