Author: Kesara Athipola

ගොඩකවෙල, ගලහිටිය ප්‍රදේශයේදී බස් රථයක් පෙරළි තිබෙනවා. කොළඹ සිට මොණරාගල දක්වා ධාවනය වෙමින් තිබු බස් රථයක් මෙලෙස අද උදෑසන අනතුරට ලක්ව තිබුණා. අනතුරෙන් බස් රථයේ ගමන් ගත් මගීන් 14 දෙනෙකු තුවාල ලබා තිබෙනවා. ඔවුන් ප්‍රතිකාර සදහා කහවත්ත මුලික රෝහලට ඇතුළත් කළ බවයි පොලිසිය සදහන් කළේ. බස් රථයේ රියදුරුට නින්ද යාම හේතුවෙනුයි මෙම අනතුර සිදුව ඇත්තේ.

එංගලන්ත සුපිරි වේග පන්දුයවන ක්‍රිඩක ස්ටුවටර් බ්‍රෝඩ් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා. ඕවල් පිටියේ පැවැත්වෙන අළුබදුන පස්වන ටෙස්ට් තරගයෙන් පසුව තමන් සමුගන්නා බවයි ඩ්‍රෝඩ් ප්‍රකාශ කර ඇත්තේ. ඔහු ටෙස්ට් තරග 167කදී කඩුලු 602ක් දවාගෙන තිබෙනවා.

සීතාවක ඔඩිසි සංචාරක දුම්රිය සෑම සෙනසුරාදා දිනකදීම ද ධාවනයට කරවීමට තීරණය කර තිබෙනවා. ඉරිදා දිනයන්හි පමණක් ධාවනය වු සීතාවක ඕඩිසි දුම්රිය අගෝස්තු මස 05 වනදා සිට සෙනසුරාදි දිනවලදී ද ධාවනය වනු ඇති. ශනිදා සීතාවක දුම්රියද කොළඹින් පෙරවරු 7.15ට ගමන් ආරම්භ කරනු ලබන අතර, එය ඉරිදා දිනයන්හි මෙන් පස්වරු 5.10ට යළි වග දුම්රිය ස්ථානයෙන් දුම්රිය ආපසු කොළඹ බලා ගමන් කෙරෙනවා. බස්නාහිර පළාත් සංචාරක මණ්ඩලය විසින් බස්නාහිර පළාතේ අප්‍රකට සංචාරක ස්ථානයන් ප්‍රවර්ධනය කිරීම වෙනුවෙන් මේ දුම්රිය යොදා ගැනීමටයි කටයුතු යොදා ඇත්තේ.

හුන්නස්ගිරිය මීමුරේ මාර්ගයේ දී මොටර් රථයක් මාර්ගයෙන් ඉවතට පැන පෙරළී ගොස් අනතුරක් සිදුවී තිබෙනවා. එම අනතුරෙන් දෙදෙනෙක් මියගොස් තවත් දෙදෙනෙක් තුවල ලබා මැදමහනුවර රෝහලට ඇතුළත් කර තිබෙන බව සදහන්. රුසියානු ජාතික වයස අවුරුදු 28ක තරුණයෙක් අනතුරින් එම ස්ථානයේදීම මියගොස් තිබෙනවා. වයස අවුරුදු 55ක කටුගස්තොට ප්‍රදේශයේ කාන්තාවක් රෝහලට රැගෙන එන අතරතුර මියගොස් ඇති බවයි පොලිසිය පැවසුවේ.

මහාරාෂ්ට්‍ර ප්‍රාන්තයේ බුල්දානා ප්‍රදේශයේ ගුවන් පාලමක් මත සිදුවූ බස් රථ අනතුරකින් පුද්ගලයන් 06 දෙනෙකු මියගොස් තවත් 52 දෙනෙකු තුවාල ලබා තිබේනවා. ඉන්දීය මාධ්‍ය වාර්තා කරන්නේ, අද අලුයම 2.30ට පමණ මෙම අනතුර සිදු ව ඇති බවයි. තුවාලකරුවන්ගෙන් 20 දෙනෙකු මේ වන විටත් රෝහල්ගත ව ප්‍රතිකාර ලබන බව වාර්තා වනවා.

අනාගතයේදීත් ශ්‍රී ලංකාවට සහායදීමට ජපානය ඉතා උනන්දුවෙන් පසුවන බව මෙරටට පැමිණ සිටින ජපාන විදේශ කටයුතු අමාත්‍ය හයාෂි යොෂිමාසා පවසනවා. ඔහු ඒ බව පැවසුවේ මෙරට බලධාරීන් සමග අද පැවැති සාකච්ඡාවකදීය. එහිදී ජපාන විදේශ කටයුතු අමාත්‍යවරයා වැඩිදුරටත් සඳහන් කළේ, සියලුම ණයදෙන රටවල් සම්බන්ධ වන විනිවිදභාවයෙන් සහ සන්සන්දනාත්මක ණය ප්‍රතිව්‍යුහගත කිරීමේ ක්‍රියාවලියක වැදගත්කම තමා අවධාරණය කරන බවය.

ඇමෙරිකාව තායිවානය සඳහා ඩොලර් මිලියන 345 ක යුධ ආධාර පැකේජයක් ලබා දෙන බව නිවේදනය කළා. තායිවානය සම්බන්ධයෙන් චීනය දැඩි ආක්‍රමණශීලී ස්වභාවයකින් කටයුතු කරන අතරතුර මෙම යුධ ආධාර පැකේජය ලබාදීමට තීරණය කෙරුණා. හමුදා අධ්‍යාපනය හා පුහුණුව ද මෙම පැකේජයට ඇතුළත්. කෙසේ වුවද තායිවානයට සපයන ආයුධ හෝ උපකරණ පිළිබඳ මෙතෙක් විස්තර හෙළි කර නැහැ.

වෙළෙඳපොළේ මාළු සහ එළවළු මිල ගණන් පහත බැස ඇති බව පෑලියගොඩ මැනිං වෙළෙඳපොළේ ව්‍යාපාරිකයන් පවසනවා. තඹුත්තේගම ආර්ථික මධ්‍යස්ථානයේ ද එළවළු මිල ගණන් සැළකිය යුතු ප්‍රමාණයකින් අඩු වී ඇති බව ව්‍යාපාරිකයන් පවසනවා. ඉදිරියේ දී මිළ ගනන් තවත් අඩුවනු ඇති බවයි ඔවුන් පවසන්නේ.

සෞඛ්‍ය ලේකම්වරයා විසින් නිකුත් කළ චක්‍රලේඛය හකුලා නොගැනීම සම්බන්ධයෙන් මෙම සාකච්ඡාව පැවැත්වේනවා. වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සංධානයේ සභාපති වෛද්‍ය චමල් සංජීව මහතා පැවසුවේ එහිදී ඉදිරි ක්‍රියාමාර්ග පිළිබදව සාකච්ඡා කරන බවයි. මෙම චක්‍රලේකය හකුළා ගන්නා ලෙස පවසමින් පසුගිය දා සංදේශයක්ද භාර දුන්නා . ජනමාධ්‍යවලට ප්‍රකාශ නිකුත් කිරීම හා අදහස් දැක්වීමට අදාළව පනවා ඇති විධි විධාන කෙරෙහි අවධානය යොමු කරමින් සෞඛ්‍ය අමාත්‍යාංශ ලේකම්වරයා අමාත්‍යාංශයේ සියලු නිලධාරින් වෙත චක්‍රලේඛයක් නිකුත් කලා.

ප්‍රංශ ජනාධිපති එමානුවෙල් මැක්‍රොන් සිය දකුණු පැසිෆික් කලාපයේ සංචාරයෙන් අනතුරුව ඊයේ ශ්‍රී ලංකාවේ ඓතිහාසික සංචාරයක නිරත වුණා. ඒ ප්‍රංශ ජනාධිපතිවරයෙක් මෙරට සංචාරයක නිරත වූ පළමු අවස්ථාව සනිටුහන් කරමින්. මෙහිදී ජනාධිපති රනිල් වික්‍රමසිංහ මහතා විසින් ප්‍රංශ ජනාධිපතිවරයාව ඉතා සුහදශීලිව පිළිගත් අතර පැයකුත් විනාඩි පහළොවකට ආසන්න කාලක් ඔහුන් සාර්ථක ද්විපාර්ශ්වික සාකච්ඡවක ද නිරත වුණා. ප්‍රංශය සහ ශ්‍රී ලංකාව අතර රාජ්‍ය තාන්ත්‍රික සබඳතාවල 75 වන සංවත්සරය සමරන මෙම අවස්ථාවේ දෙරට අතර ද්විපාර්ශ්වික සබඳතා තවදුරටත් ශක්තිමත් කර ගැනීම පිළිබඳ මෙහිදී විශේෂ අවධානය යොමු කෙරුණා. ජාත්‍යන්තර සබඳතාවන්හිදී ප්‍රංශයේ මැදිහත්වීම අගය කළ ජනාධිපති රනිල් වික්‍රමසිංහ මහතා විශේෂයෙන් දේශගුණික විපර්යාස අවම කිරීම, විදේශ ණය ප්‍රශස්තකරණය සහ ඉන්දු-පැසිෆික්…