Author: Kesara Athipola

යාපනය, තොල්පුරම් නැගෙනහිර ප්‍රදේශයේ මාර්ගයක් අසළ තිබී කාන්තා මළ සිරුරක් තිබි ඊයේ (17) සොයාගත් බව යාපනය වඩ්ඩුකෝඩ්ඩෙයි පොලිසිය පවසයි. පොලිසිය පැවසූවේ සෙල්වනිදි කදිර්වේල් නමැති 49 හැවිරිදි කාන්තාවගේ මළ සිරුරක් එලෙස සොයාගත් බවයි. ඇයගේ සිරුරේ පහරදීම් තුවාල දැක ගැනීමට හැකි බවත්, ඝාතනය සම්බන්ධයෙන් සැකපිට මියගිය කාන්තාවගේ ස්වාමිපුරුෂයා අත්අඩංගුවට ගත් බවද පොලිසිය පැවසීය. සැකකරු මත්පැන් පානය කොට ඇති අතර, එහිදි ඇති වු බහින්බස් වීමක් දුරදිග යාමෙන් අනතුරුව කාන්තාවට පහරදී ඇති බව මුලිකව නිරීක්ෂණය වන බවද පොලිසිය සඳහන් කරයි. මියගිය කාන්තාවගේ මළ සිරුර පශ්චාත් මරණ පරීක්ෂණ වෙනුවෙන් යාපනය රෝහල් මෘත ශරීරාගාරය වෙත යොමුකොට ඇති අතරල සිද්ධිය සම්බන්ධයෙන් වඩ්ඩුකෝඩ්ඩෙයි පොලිසිය වැඩිදුර පරීක්ෂණ මෙහෙයවයි.

13,000කට අධික ළමුන් පිරිසක් ගාසා තීරයේ පවතින යුද ගැටුම් හේතුවෙන් මියගොස් ඇති බව එක්සත් ජාතීන්ගේ සංවිධානය සඳහන් කරනවා. තවත් ළමුන් දහස් ගණනක් ප්‍රහාර හේතුවෙන් තුවාල ලබා ඇති අතර ළමුන් වැඩි පිරිසක් දැඩි මන්දපෝෂණ තත්ත්වයට පත්ව ඇති බව එම සංවිධානය පෙන්වා දෙයි. ඊශ්‍රායලය හමාස් යුද ගැටුම් හේතුවෙන් ගාසා තීරයේ මිලියන 2.3කට අධික ජනතාවක් පීඩාවට පත්ව ඇත.

ශ්‍රී ලංකා – බංග්ලාදේශ තුන්වන සහ අවසන් එක්දින ක්‍රිකට් තරගය අද (18) පෙරවරු 9.30ට චිතගොංහී දී ආරම්භ වීමට නියමිතය. ශ්‍රි ලංකා කණ්ඩායම කාසියේ වාසිය දිනාගත් අතර නායක කුසල් මෙන්ඩිස් පළමුවෙන් පන්දුවට පහරදීමට තීරණය කර ඇත.

වැලිගම  මිරිස්ස  වෙරළ තීරයේ දී තියුණු ආයුධයකින් පහර දී  පුද්ගලයකු  ඝාතනය කර තිබෙනවා. මිරිස්ස – සීක්‍රටි බිච් හෝටලය අසළ වෙරළ තීරයේ බිම් කොටසක් සම්බන්ධව ඇති වූ ආරවුලක් දුරදිග යාම හේතුවෙන් එම  ඝාතනය සිදුව ඇති බව සඳහන්. එම ප්‍රදේශයේම පදිංචි තවත් සංචාරක ව්‍යාපාරිකයෙකු සහ ඔහුගේ පුත්‍රයකු විසින්  මෙම ඝාතනය සිදු කර ඇති අතර ඔවුන් අත්අඩංගුවට ගැනීම සඳහා මෙහෙයුම් ආරම්භ කර තිබෙනවා. මෙලෙස ඝාතනයට  ලක්ව  ඇත්තේ මිරිස්ස, පෙම් උයන්වත්ත ප්‍රදේශයේ පදිංචිව සිටි 38 හැවිරිදි  පුද්ගලයෙක්.

උතුරු මැද පළාත් ආණ්ඩු­කාර ධුර­යෙහි වැඩ බැලීම සඳහා වයඹ ආණ්ඩු­කාර ලක්ෂ්මන් යාපා අබේ­ව­ර්ධන මහතා පත් කර තිබෙනවා. උතුරු මැද පළාත් ආණ්ඩු­කාර මහී­පාල හේරත් මහතා විදේ­ශ­ග­ත වීම හේතුවෙන් ඔහු නැවත දිව­යි­නට පැමි­ණෙන තෙක් ආණ්ඩු­කාර ධුර­යෙහි වැඩ බැලී­මට ලක්ෂ්මන් යාපා අබේ­ව­ර්ධන මහතා මෙලෙස පත් කර ඇත.

පුරා­විද්‍යා දෙපා­ර්ත­මේ­න්තුවේ නව අධ්‍යක්ෂ ජන­රා­ල්ව­රයා ලෙස රජ­රට විශ්ව­වි­ද්‍යා­ලයේ සමාජ විද්‍යා හා මානව ශාස්ත්‍ර පීඨයේ පීඨා­ධි­පති ලෙස කට­යුතු කළ මහා­චාර්ය තුසිත මැන්දිස් මහතා පත් කර තිබේ. ඒ මහතා පසුගියදා (14) කොළඹ 7, පුරා­විද්‍යා දෙපා­ර්ත­මේ­න්තුවේ ප්‍රධාන කාර්යා­ල­යේදී නව තන­තුරේ රාජ­කාරි ආරම්භ කරනු ලැබූවා.

මෙරට සිටිය යුතු ක්ෂය රෝගීන්ගේ සංඛ්‍යාව 14,000ක් පමණ වුවද, දැනට හඳු­නා­ගෙන ඇති සංඛ්‍යාව 9,000ක් පමණ බව ජාතික ක්ෂය රෝග මර්දන වැඩ­ස­ට­හනේ අධ්‍ය­ක්ෂිකා වෛද්‍ය ප්‍රමිතා ශාන්ති­ලතා මහ­ත්මිය පවසනවා. ලෝක සෞඛ්‍ය සංවි­ධා­නයේ ඇස්ත­මේ­න්තු­ව­ලට අනුව හඳුනා නොගත් ක්ෂය රෝගීන් 4,000ක් 5,000ක් පමණ මෙරට සමා­ජය තුළ සිටින බව ද ඇය ප්‍රකාශ කළා. සෞඛ්‍ය ප්‍රව­ර්ධන කාර්යාං­ශයේ පැවැති මාධ්‍ය හමු­වට සහ­භාගී වෙමින් ඇය මේ බව ඊයේ (13) පැව­සු­වා. මේ මස 24 වැනි­දාට ලෝක ක්ෂය රෝග දිනය යෙදී ඇති අතර, “ඔව් අපට ක්ෂය රෝගය තුරන් කළ හැකී” යන්න මෙවර ලෝක ක්ෂය රෝග දිනයේ තේමා­වයි.

ගාසා තීරයේ රෆා නගරයට ප්‍රහාර එල්ල කිරීම සඳහා ඊශ්‍රායලය විසින් සැළසුමක් සකස් කර ඇති බව වාර්ත වනවා. හමාස් සංවිධානය සමග සාකච්ඡා කර ප්‍රාණ ඇපකරුවන් නිදහස් කරගැනීම සඳහා දූත පිරිසක් කටාර් වෙත යැවීමටද සැළසුම් කර ඇති බවයි සඳහන් කළේ. ඊශ්‍රායල විසින් ගාසා තීරයට ප්‍රහාර එල්ල කිරීම ආරම්භ කිරීමත් සමග පලස්තීනුවන් මිලියනයකට අධික පිරිසක් රෆා නගරයට එකරැස්වී සිටින බව වර්තාවනවා.