Author: Kesara Athipola

අයහපත් කාලගුණය හේතුවෙන් බණ්ඩාරනායක ජාත්‍යන්තර ගුවන්තොටුපලෙන් ගුවන් ගමන් 6ක් හරවා යවා තිබෙනවා. ගුවන් යානා තුනක් මත්තල ජාත්‍යන්තර ගුවන්තොටුපළට හරවා යවා ඇති බවයි සඳහන් වෙන්නේ. එමෙන්ම අනෙක් ගුවන් යානා තුන ඉන්දියාවේ ත්‍රිවන්ද්‍රම් ගුවන්තොටුපල වෙත හරවා යවා ඇති බවයි අප ගුවන්තොටුපළ වාර්තාකරු සඳහන් කලේ.

අයහපත් කාලගුණයත් සමග බණ්ඩාරවෙල ප්‍රදේශයේ දී බැම්මක් කඩා වැටීමෙන් සිදුවූ අනතුරකින් 61 හැවිරිදි බණ්ඩාරවෙල ප්‍රදේශයේ පදිංචි කාන්තාවක් මියගොස් තිබෙනවා. බදුල්ල ආපදා කළමනාකරණ මධ්‍යස්ථානය පැවසුවේ අද (26) පෙරවරු 7ට පමණ එම අනතුර සිදුව ඇති බවය. බණ්ඩාරවෙල පොලීසිය මේ සම්බන්ධයෙන් වැඩිදුර විමර්ශන ආරම්භ කර තිබේ.

ජනවාරි සිට අප්‍රේල් මාසය දක්වා වන මාස හතරක කාලයක් සඳහා අතුරු සම්මත ගිණුමක් සකස් කිරීම සඳහා මුදල් සහ ක්‍රම සම්පාදන අමාත්‍ය ජනාධිපති අනුර කුමාර දිසානායක මහතා විසින් ගෙන එන ලද යෝජනාවට කැබිනට් අනුමැතිය හිමිව තිබෙනවා. අද පැවැති කැබිනට් තීරණ දැනුම්දීමේ මාධ්‍ය හමුවට එක්වෙමින් කැබිනට් ප්‍රකාශක අමාත්‍ය නලින්ද ජයතිස්ස මහතා මේ බව පවසනවා. ඒ අනුව ජනවාරි සිට අප්‍රේල් මාසය දක්වා වූ වියදම්, ණය සේවා, ණය ප්‍රතිව්‍යුහගතකරණයට අදාළ අතුරු සම්මත ගිණුම සකස් කිරීමට අනුමැතිය හිමිව ඇති අතර ඊයේ (25) පාර්ලිමේන්තු පක්ෂ නායක රැස්වීමේදි මෙම අතුරු සම්මත ගිණුම විවාදයට ගැනීම සඳහා දින නියම කෙරුනා. ඒ අනුව දෙසැම්බර් 5 සහ 6 යන දෙදින තුළ…

ඇමරිකානු ජනධිපති ඩොනල්ඩ් ට්‍රම්ප් ට එරෙහි මැතිවරණ නඩුව විනිසුරුවරයා නිෂ්ප්‍රභ කර තිබෙන බව විදෙස් මාධ්‍ය වාර්තා කරනවා. 2020 මැතිවරණය අවලංගු කිරීමට නීති විරෝධී ලෙස උත්සාහ කළ බවට ට්‍රම්ප්ට චෝදනා එල්ල වී තිබුනු අතර .ඊට එරෙහි ප්‍රධාන නඩුවක් ෆෙඩරල් විනිසුරුවරයෙකු විසින් නිෂ්ප්‍රභ කර තිබෙනවා. ට්‍රම්ප් වෙනුවෙන් පෙනී සිටි නීතිඥ ජැක් ස්මිත් පෙන්වා දුන්නේ බලයට පත්ව සිටින ජනාධිපතිවරයෙකුට නඩු පැවරීම තහනම් බවයි.

දිවයිනේ මේ වනවිට පවතින අයහපත් කාලගුණය හේතුවෙන් ප්‍රදේශ කිහිපයක ජල ගැලීම් ඇතුළු ආපදා රැසක් වාර්තා වෙනවා. ආපදාවන්ට ලක්වූ ප්‍රදේශයන්හි මෙවර අ.පො.ස උසස් පෙළ විභාගයට මුහුණ දෙන අපේක්ෂකයින්ට තමන්ට අදාල විභාග මධ්‍යස්ථානය වෙත වාර්තා කිරීමේ යම් අපහසුතාවයක් පවතින්නේනම් තමන්ට ළඟම පවතින විභාග මධ්‍යස්ථානය කරා යොමුවන ලෙස විභාග කොමසාරිස් ජනරාල් අමිත් ජයසුන්දර පවසනවා. විකල්ප විභාග මධ්‍යස්ථාන පිහිටුවීමේ අවශ්‍යතාවයක් පවතිනේනම් ඒ සඳහාද කටයුතු කරන බවයි ඔහු සඳහන් කළේ.

මියන්මාරයේ සයිබර් අපරාධ කඳවුරුවල බලහත්කාරයෙන් රඳවා ගෙන සිටි ශ්‍රී ලාංකිකයින් 32නෙකු බේරා ගැනීමට හැකියාව ලැබී තිබෙනවා. ඔවුන්ව ඉතා කඩිනමින් ශ්‍රී ලංකාවට ගෙන්වා ගැනීම සඳහා කටයුතු කරන බවයි විදේශ කටයුතු, විදේශ රැකියා සහ සංචාරක අමාත්‍යාංශය සදහන් කලේ. ශ්‍රී ලංකා රජය , සංක්‍රමණ සඳහා වූ ජාත්‍යන්තර සංවිධානය සමඟ සම්බන්ධීකරණය වෙමින් අදාළ සිරකරුවන් යලි මෙරටට ගෙන්වා ගැනීම සදහා කටයුතු කරමින් පවතිනවා. විදේශ රැකියා අමාත්‍යාංශයේ සහ තායිලන්තය – මියන්මාර ශ්‍රී ලංකා තානාපතිවරුන් මෙම ක්‍රියාවලිය සම්බන්ධීකරණය කර ඇති බවයි වාර්තා වන්නේ.

ආපදා කළමණාකරණයේදී ආයතන ව්‍යුහය ශක්තිමත් කිරීම පමණක් ප්‍රමාණවත් නොවන බවත්, බිම් මට්ටමට විසදුම් ගෙනයාමේ යාන්ත්‍රණ ඇති කිරීමට පියවර ගත යුතු බව ජනාධිපති අනුර කුමාර දිසානායක අවධාරණය කළා. විශ්‍රාමික මේජර් ජනරාල් අරුණ ජයසේකර, ආරක්ෂක නියෝජ්‍ය අමාත්‍ය ධූරයේ වැඩභාර ගැනීමේ අවස්ථාවට කොළඹදී අද එක්වෙමිනුයි ජනාධිපතිවරයා මේ බව සදහන් කළේ පළාත් පාලන ආයතන ශක්තිමත් කර අවදානම් ප්‍රදේශවල සිදුවන ආපදා වළක්වාලීම සදහා නව විසදුම් ලබාදීමට කටයුතු කලයුතු බවයි ජනාධිපතිවරයා පෙන්වා දෙන්නේ කිසියම් අධ්‍යයනයකට අනුව කළමණාකරණ නීති පද්ධතිය සකස් කර ඇති බවත් , එම නීති නිසි ආකාරයෙන් ක්‍රියාත්මක කිරීම නිළධාරීන්ගේ වගකීමක් බව ද ජනාධිපතිවරයා එහිදී සදහන් කළා. නීතිය ක්‍රියාත්මක කරන සියලු නිළධාරීන් වෙනුවෙන් තම රජය…

ශ්‍රී ලංකා A ක්‍රිකට් කණ්ඩායම සහ පාකිස්තාන A ක්‍රිකට් කණ්ඩායම අතර පැවැත්වෙන තරග 3කින් යුත් එක්දින ක්‍රිකට් තරගාවලිය ආරම්භ කරමින් ඊයේ පැවැති තරගයේ දී සත්කාරක පාකිස්තාන A ක්‍රීඩකයන් ලකුණු 108ක පහසු ජයග්‍රහණයක් ලබා ගත්තා. රවල්පින්ඩ් හි ක්‍රිකට් ක්‍රීඩාංගණයේ දී පැවැති මෙම තරගයේ ජයග්‍රහණයත් සමඟින් ඔවුන් තරග 1-0ක් ලෙසින් ඉදිරියට පැමිණීමට ද සමත් වුනා. තරගයේ කාසියේ වාසිය ජයග්‍රහණය කළ ශ්‍රී ලංකා නායක නුවනිඳු ප්‍රනාන්දුගේ ආරාධනාවෙන් පළමුවෙන් පන්දුවට පහර දීමට පිටියට පිවිසි පාකිස්තාන A කණ්ඩායම කඩුලු 7ක් පමණක් දැවී ලකුණු 306ක් ලබා ගත්තා ඉන් අනතුරුව පිළිතුරු ඉනිම ක්‍රීඩා කළ ශ්‍රී ලංකා A ක්‍රීඩකයන් සියලුම දෙනා දැවී ලබා ගැනීමට හැකිවුණේ ලකුණු 198ක් පමණයි. පකිස්ථානය…

ගුවන් යානයක් කඩා වැටීමෙන් පුද්ගලයකු මිය ගොස් ඇති බව බව විදෙස් මාධ්‍ය වාර්තා කරනවා. ලිතුවේනියාවේ විල්නියස් ගුවන්තොටුපළ අසල දී මෙම අනතුර සිදුව ඇත්තේ. මෙම ගුවන් යානය භාණ්ඩ ප්‍රවාහන ගුවන් යානයක් වන අතර සිධියෙන් තවත් පුද්ගලයින් තුන් දෙනෙකු තුවාල ලබා තිබෙනවා. මෙලෙස අනතුරට ස්පාඤ්ඤ භාණ්ඩ ප්‍රවාහන ගුවන් සමාගමක් වන ස්විෆ්ට් එයාර් සමාගමට අයත් බෝයින් 737 යානයක් වන අතර අනතුර සිදුවූ ස්ථානය ආසන්නයේ සිටි පුද්ගලයින් 12 දෙනෙකු ආරක්ෂිතව ඉවත් කර ඇති බවයි ලිතුවේනියා පොලිසිය පවසන්නේ.

පාර්ලිමේන්තු ක්‍රියාවලියට අත්‍යවශ්‍යම පුද්ගලයින් ජාතික ලැයිස්තුවෙන් පත් කිරීමට කටයුතු කරන බව සමගි ජන බලවේගයේ පාර්ලිමේන්තු මන්ත්‍රී නලීන් බණ්ඩාර මහතා පවසනවා. පරාජයට පත්වූ ඇතැම් පිරිස් නම් කිරීමට ද අවස්තාව පවතින බවයි ඔහු සදහන් කලේ . ඔහු මේ බව පැවසුවේ කොළඹදී මාධ්‍ය වෙත අදහස් දක්වමින්.