Author: Dhanushka

ඉලංකෙයි තමිල් අරුසු කච්චි පක්ෂයේ දේශපාලන ප්‍රධානී මාවෙයි සේනාධිරාජා මහතා ඊයේ පස්වරුවේ අභාවප්‍රාප්ත  වී තිබෙනවා. නිවසේදී ඇති වූ හදිසි රෝගී තත්ත්වයක් හේතුවෙන් ඒ මහතා රෝහල්ගත කර තිබෙනවා. යාපනය ශික්ෂණ රෝහලේ දැඩි සත්කාර ඒකකයේ ප්‍රතිකාර ලබමින් සිටියදීයි  ඔහු  අභාවප්‍රාප්ත වී ඇත්තේ. මිය යන විට ඒ මහතා 82වියේ පසු වුණා.

ලංකා සතොස ආයතනය මගින් අත්‍යවශ්‍ය භාණ්ඩ කිහිපයක මිල අඩු කර තිබෙනවා. ඒ අනුව, රුපියල් 230ට පැවති ආනයනික ලොකු ළූණු කිලෝවක මිල රුපියල් 220ට ද, රුපියල් 175ට පැවති පාන්පිටි කිලෝවක මිල රුපියල් 165ට ද, රුපියල් 240ට පැවති සුදු සීනි කිලෝවක මිල රුපියල් 235ට පහත දමා තිබුණා. එමෙන්ම රුපියල් 288ට පැවති රතු පරිප්පු කිලෝවක මිල රුපියල් 285ට ද, රුපියල් 210ට පැවති ආනයනික රතු කැකුළු කිලෝවක මිල රුපියල් 209ක් ලෙසයි මෙසේ අඩු කර ඇත්තේ. මෙම සහනය අද සිට දිවයින පුරා සතොස අලෙවිසැල් වලින් ලබා ගත හැකි බවයි එම ආයතනය සඳහන් කළේ.

මෙරට තුළ වර්තමානය වන විට දියවැඩියා රෝගීන් 14 ලක්ෂ 50,000 ක් සිටින අතර ඔවුන්ගේ දෛනික පරිභෝජනය සදහා රතු කැකුළු සහ නාඩු සහල් කිලෝග්‍රෑම් දෙලක්ෂ දාහත්දහස් පන්සීයයක ප්‍රමාණයක් අවශ්‍ය වන බව ජාතික කාන්තා එකමුතුව පවසනවා. එහි සභාපතිනි හෂිනි සිල්වා මහත්මිය අද පෙරවරුවේ පැවති මාධ්‍ය හමුවකදී කියා සිටියේ වත්මන් රජයට නිසි කළමනාකාරීත්වයක් සහිත වැඩපිළිවෙලක් නොමැති වීම මෙම තත්ත්වය ඇතිවීමට හේතු වී ඇති බවයි මේ අතර පරිභෝජනය සදහා සුදුසු සහල් රට තුළ තිබියදි වර්තමාන ආණ්ඩුව සහල් ආනයනය කිරීමට තීරණය කිරීම ද කණගාටුදායක කරුණක් බවයි ජාතික කාන්තා එකමුතුවේ සභාපතිනි හෂිනි සිල්වා මහත්මිය වැඩිදුරටත් පෙන්වා දෙන්නේ.

මෙවර නිදහස් උත්සවය මහජනතාවගේ නිදහස් උත්සවයක්, මහ ජනතාවට වැඩිපුර සහභාගී විය හැකි නිදහස් උත්සවයක් බවට පත්කරන බව රාජ්‍ය පරිපාලන හා පළාත් සභා හා පළාත් පාලන අමාත්‍ය ආචාර්ය ඒ.එච්.එම්.එච් අබේරත්න මහතා පවසනවා. ඔහු මේ පිළිබඳව සඳහන්කර සිටියේ 77 වැනි නිදහස් දින සමරු උළෙල පිළිබඳව මාධ්‍ය හමුවට සහභාගී වෙමින්. මෙවර නිදහස් චතුරස්‍රයේදි 77 වැනි නිදහස් දින සමරු උළෙල පැවැත්වෙන බවයි ඔහු සඳහන්කර සිටියේ. එමෙන්ම මෙවර නිදහස් උළෙලේ සංයුතිය පිළිබඳව එයාර් වයිස් මාර්ෂල් (විශ්‍රාමික) සම්පත් තුයියකොන්තා අදහස් දැක්වීමක් මෙහෙදී සිදුකළා. එහිදී ඔහු සඳහන්කර සිටියේ හමුදා සාමාජිකයින් 1873ක් මෙම සැමරුම් පෙළපාලියට සහභාගීවෙන බවයි. එය පෙර වසරට වඩා 1511ක් අඩුවීමක් සිදුකර ඇති අතර පෙළපාලියේ ඇති…

උතුරු, උතුරු-මැද, නැගෙනහිර, ඌව, වයඹ සහ දකුණු පළාත්වලත් මාතලේ සහ නුවරඑළිය දිස්ත්‍රික්කවලත් අද විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව නිවේදනය කරනවා. දිවයිනේ සෙසු ප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකියි. එමෙන්බම ස්නාහිර පළාතේ උදෑසන කාලයේදී ද වැසි ඇතිවිය හැකි බවයි එම දෙපාර්තමේන්ත=ව සදහන් කළේ. නැගෙනහිර, ඌව, දකුණු, බස්නාහිර සහ සබරගමුව පළාත්වලත් පොලොන්නරුව, මාතලේ සහ නුවරඑළිය දිස්ත්‍රික්කවලත් ඇතැම් ස්ථාන වලට මි.මි. 75 ට වැඩි තරමක තද වැසි ඇති විය හැකියි. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු…

පසුගිය වසරේ නොවැම්බර් මාසයේ ඇති වූ ගංවතුරෙන් වගා හානියට පත් ගොවි ජනතාව සඳහා වන්දි ලබාදීම අද සිට ආරම්භ කරන බව කෘෂිකාර්මික හා ගොවිජන රක්ෂණ මණ්ඩලය පවසනවා. පොළොන්නරුව, මුලතිව්, වව්නියාව, ත්‍රීකුණාමලය යන දිස්ත්‍රික්කවලින් එම වන්දි ලබාදීම ආරම්භ කරන බව එහි සභාපති පේමසිරි ජාසිංආරච්චි මහතා සඳහන් කළේ. ඒ අනුව වගා හානී සිදුවූ ගොවීන්ගේ ගිණුම්වලට අදාළ මුදල් බැර කිරීමට පියවර ගන්නා බව ඔහු සදහන්ක ළා. අක්කර 13, 379ක් සඳහා අද දින මෙම ගෙවීම් සිදු කරනු ලබනවා. කෘෂිකාර්මික හා ගොවිජන රක්ෂණ මණ්ඩලයේ සභාපතිවරයා කියා සිටියේ අද මෙලෙස මෙම වන්දි ගෙවීම් සිදුකරන්නේ වී ගොවීන් සඳහා පමණක් බවයි.

වොෂින්ටන් හි රේගන් ජාතික ගුවන්තොටුපළ අසලදී මගීන් 64 දෙනෙකු රැගත් ගුවන් යානයක් සහ එක්සත් ජනපද හමුදා හෙලිකොප්ටරයක් එකිනෙක ගැටීමෙන් අනතුරක් සිදුව තිබෙනවා. මෙම අනතුර සිදුව ඇත්තේ පොටොමැක් ගඟට ඉහළින් බවයි විදෙස් මාධ්‍ය වාර්තා කළේ. ජීවිත හානි සහ අනතුරට හේතුව පිළිබඳ තොරතුරු මේ වන විටත් තහවුරු වී නොමැති අතර ගලවා ගැනීමේ මෙහෙයුම් තවදුරටත් ක්‍රියාත්මක වෙමින් පවතිනවා.

පාර්ලිමේන්තු මන්ත්‍රීවරයෙකු ලෙස දේශපාලනය තුළ රැඳී සිටිය යුතු මොහොතේ නොබියව කටයුතු කරන බවත් සදාකාලික දේශපාලනයේ නිරත වීමට තමාට කිසිදු අවශ්‍යතාවයක් නොමැති බවත් අත්අඩංගුවට ගෙන ඇප මත නිදහස් කෙරුණු ස්වාධීන පාර්ලිමේන්තු මන්ත්‍රී රාමනාදන් අර්ච්චුනා මහතා පවසනවා. ඔහුට ඇප හිමිවීමෙන් අනතුරුව මාධ්‍යවේදීන් ඇසූ ප්‍රශ්නවලට පිළිතුරු ලබාදෙමින් රාමනාදන් අර්චුනා මන්ත්‍රිවරයා මේ බව සදහන් කළා. මෙහිදි රාමනාදන් අර්චුනා මහතා වෙනුවෙන් පෙනී සිටි නීතිඥවරයා ද මේ පිළිබදව කරුණු පැහැදිලි කළා. විශේෂ පොලිස් කණ්ඩායමක් විසින් ඊයේ පස්වරුවේ පාර්ලිමේන්තු මන්ත්‍රී රාමනාදන් අර්ච්චුනා මහතා අත්අඩංගුවට ගැනුණු අතර, පසුව මහේස්ත්‍රාත්වරයා හමුවට ඉදිරිපත් කිරීමෙන් අනතුරුව ඇප මත මුදාහැර තිබුණා. මේ පිළිබද වැඩිදුරට තොරතුරු දහවල් 12 වී මධ්‍යහන ප්‍රධාන ප්‍රවෘත්ති තුළින්…

හමාස් සංවිධානය භාරයේ සිටින තවත් ප්‍රාණ ඇපකරුවන් පිරිසක් අද නිදහස් කිරීමට නියමිතයි. ඒ අතර ඊශ්‍රායල ජාතිකයින් තිදෙනෙකු සහ තායි ජාතිකයින් පස්දෙනෙකු වන බවයි විදෙස් මාධ්‍ය වාර්තා කළේ. මෙලෙස නිදහස් කරනු ලබන තායි ජාතිකයින් ඊශ්‍රායලයේ කෘෂිකාර්මික සේවයේ නිරතව සිටි කම්කරුවන් බව සඳහන් වනවා.

දිවයිනේ නාගරික ප්‍රදේශවල වායු ගුණත්වයේ මේ දිනවල පවතින අහිතකර මට්ටම අද සිට ක්‍රමයෙන් අඩුවන බව ජාතික ගොඩනැගිලි පර්යේෂණ සංවිධානය පවසනවා. දිවයිනේ ප්‍රදේශ රැසක වායුගෝලයේ මේ දිනවල මීදුමක් වැනි අසාමාන්‍ය තත්ත්වයක් නිරීක්ෂණය වන්නේ වායු ගුණත්වයේ පවතින පහළ යාමක් හේතුවෙන් බවයි එම සංවිධානය කියා සිටියේ. එහි පරිසර අංශයේ අධ්‍යක්ෂ සරත් ප්‍රේමසිරි සඳහන් කළේ, ඉන්දියාව ඇතුළු දකුණු ආසියාතික රටවල් බොහොමයක වායු ගුණත්වයේ පහළ යාමක් මේ දිනවල පෙන්නුම් කරන බවයි.