Author: Dhanushka

රාජ්‍ය මුද්‍රණ නීතිගත සංස්ථාව රුපියල් බිලියන 2.3 ක ලාභයක් ලබන බව අධ්‍යාපන අමාත්‍ය සුසිල් ප්‍රේම්ජයන්ත් මහතා පවසනවා. 2023 හා 2024 වර්ෂයට අදාළ පාසල් පෙළ පොත් දරුවන්ට ලබා දී ඇති බවත් ඉදිරි වර්ෂයට අදාළ පොත්පත් සදහා රාජ්‍ය මුද්‍රණ නීතිගත සංස්ථාවට ඇණවුම් භාරදී ඇති බවත් ඔහු සදහන් කළා. අධ්‍යාපන අමාත්‍ය ධුරයට පත් වී කෙටි කාලයක් තුළ මෙම පියවර ගැනීමට හැකි වූ බවයි අධ්‍යාපන අමාත්‍ය සුසිල් පේම්ජයන්ත් මහතා පෙන්වා දෙන්නේ.

ලබන ඉරිදා දිනය වන විට සිය සංගමය ආරම්භ කළ අකුරට වැඩ කිරීමේ වෘත්තිය සමිති ක්‍රියාමාර්ගය තාවකාලිකව අත්හිටුවීමට තීරණය කළ බව ශ්‍රී ලංකා ග්‍රාම නිලධාරින්ගේ සංගමය පවසනවා. ජනාධිපති ජේ්‍යෂ්ඨ උපදේශක සාගල රත්නායක මහතා සමග පැවති සාකච්ඡාවකින් අනතුරුව මෙම තීරණයට එළඹි බවයි එම සංගමයේ ජාතික සංවිධායක නෙවිල් විජේරත්න මහතා සදහන් කළේ. වැටුප් ගැට`ඵව ඇතු`ඵ ඉල්ලීම් කිහිපයක් මුල්කරගනිමින් ශ්‍රී ලංකා ග්‍රාම නිලධාරින්ගේ සංගමය මෙම අකුරට වැඩකිරීමේ වෘත්තිය සමිති ක්‍රියාමාර්ගය ආරම්භ කර තිබෙනවා.

ප්‍රමුඛ පෙළේ Tiktok ගිණුම් කිහිපයකට සයිබර් ප්‍රහාරයක් එල්ල වී තිබෙනවා. CNN පුවත් සේවය වැනි ප්‍රකට සන්නාම සහ පැරිස් හිල්ටන් වැනි පුද්ගලයින්ගේ ගිණුම් ඒ අතරට අයත් වනවා. Tiktok ප්‍රහාරයේ කිසිදු තොරතුරක් මෙතෙක් හෙළි කර නොමැති අතර සන්නාම සහ ප්‍රසිද්ධ ගිණුම් කිහිපයක් හැකර්වරුන් විසින් ඉලක්ක කර ඇති බව පමණක් තහවුරු කර තිබෙනවා.

ආර්ථික පරිවර්තන පනත් කෙටුම්පත සහ රාජ්‍ය මූල්‍ය කළමනාකරණ පනත් කෙටුම්පතට එරෙහිව සර්වජන බලය එකමුතුව විසින් ශ්‍රේෂ්ඨාධිකරණය මගින් පෙත්සම් ඉදිරිපත් කර තිබෙනවා. ඒ අනුව සර්වජන බලය එකමුතුව ශ්‍රේෂ්ඨාධිකරණයෙන් ඉල්ලා ඇත්තේ අදාළ පනත් කෙටුම්පත් සම්මත කිරීමට අවශ්‍ය නම් පාර්ලිමේන්තුවේදී තුනෙන් දෙකක බහුතර ඡන්දයකින් එම පනත් අනුමත වී ඇති බවට තීන්දුවක් ලබාදෙන ලෙසයි. එමෙන්ම ඊට අදාළව ජනමත විචාරණයක් අවශ්‍ය බවටද තීන්දුවක් ලබාදෙන ලෙස සර්වජන බලය එකමුතුව ශ්‍රේෂ්ඨාධිකරණයෙන් ඉල්ලා තිබෙනවා.

නීතිවිරෝධි ලෙස ඉන්දියාවේ සිට මුහුදු මාර්ගයෙන් මෙරටට ගෙන ආ අමු ඉඟුරු තොගයක් සමග සැකකරුවන් දෙදෙනෙකු නොරොච්චෝල පොලිසිය විසින් අත්අඩංගුවට ගෙන තිබෙනවා. පොලිස් භාරයට ගත් අමු ඉගුරු තොගයේ වටිනාකම රුපියල් ලක්ෂ 60 කට අධික බවයි පොලිසිය සදහන් කළේ. මේ පිළිබද වැඩිදුර විමර්ශන නොරොච්චෝල පොලිසිය විසින් සිදු කරනු ලබනවා.

තෙවැනි වරටත් ඉන්දියාවේ අග්‍රාමාත්‍ය ධුරයට පත් වූ නරේන්ද්‍ර මෝදි මහතාට අග්‍රාමාත්‍ය දිනේෂ් ගුණවර්ධන සහ විපක්ෂ නායක සජිත් ප්‍රේමදාස යන මහත්වරුන් පාර්ලිමේන්තුවේදී සුභ පැතුම් පිරිනැමුවා. මෙහිදී අදහස් දැක්වූ අගමැතිවරයා පැවසුවේ මෝදි අග්‍රාමාත්‍යවරයා ලෝකය පුරා දැවැන්ත පණිවිඩයක් ගෙන ගිය සුවිශේෂ නායකයෙකු බවයි.

මෙම වසරේ ජනවාරි මාසයේ සිට මැයි මාසය දක්වා අතර කාලය තුළ වන අලි මරණ 67 සිදුව තිබෙනවා. එය 2023 වර්ෂය සමඟ සැසදීමේදී එම අවුරුද්දේ ජනවාරි සිට මැයි මාසය දක්වා අලි මරණ 200 කට වැඩි ප්‍රමාණයක් සිදු වී තිබෙන බවයි වාර්තා වන්නේ. මෙලෙස සෑම වන අලියකුම මියගොස් ඇත්තේ වගා බිම් තුළදි.

2023-2024 අපොස උසස් පෙළ විභාගයේ ප්‍රතිඵල නැවත සමීක්ෂණය සදහා අයදුම්පත් කැඳවීම අදින් ආරම්භ වන බව විභාග දෙපාර්තමේන්තුව පවසනවා. ඒ අනුව මාර්ගගත ක්‍රමවේදය ඔස්සේ අයදුම්කරුවන්ට ජුනි මස 19 වන දා දක්වා මේ සදහා අයදුම් කළ හැකියි.

ගාසා තීරයේ ජිවත් වන ජනතාව මේ වන විට පානිය ජලය සහ ආහාර සපයා ගැනීමේ දැඩි අර්බුදයකට මුහුණ පා ඇති බව ලෝක සෞඛ්‍ය සංවිධානය පවසනවා. රෆා දේශ සීමාව හරහා ආහාර රැගත් ට්‍රක් රථ ගාසා තීරයට ඇතුල් කිරීම අත්හිටුවා තිබීම මෙම තත්වය උග්‍රවීමට හේතු වී ඇති බවයි එම සංවිධානය පෙන්වා දෙන්නේ.

අනුරාධපුර ඓතිහාසික ජේතවනාරාම ස්ථූපයේ සවිකොට තිබූ අකුණු සන්නායකය ගැලවීමට සැලසුම් කළ සැකකරුවන් පස්දෙනෙකු උඩම`ඵව පොලිසිය විසින් අත්අඩංගුවට ගෙන තිබෙනවා. මෙම සැකකරුවන් අතර පොලොන්නරුව ප්‍රදේශයේ පදිංචිව සිටින ගායන ශිල්පියෙකු ද වන බවයි පොලිසිය සදහන් කරන්නේ. අත්අඩංගුවට පත් පිරිස වයස අවුරුදු 23 ත් 56 ත් අතර වයස් සීමාවල පසුවන අය බවයි වාර්තා වන්නේ.