Author: Anura Premakumara

අල්ලස් මුදලක් ලබාගැනිමේ චෝදනාවක් සම්බන්ධයෙන් ග්‍රාම නිලධාරිනියක් අත්අඩංගුවට ගෙන තිබෙනවා. ඒ අල්ලස් හෝ දූෂණ චෝදනා විමර්ශන කොමිසන් සභාවේ නිලධාරීන් විසින්. මෙලෙස අත්අඩංගුවට ගෙන ඇත්තේ ගොවිදුපුර, බරවාය ග්‍රාම නිලධාරි වසමට අනුයුක්තව සේවය කරන ලද ග්‍රාම නිලධාරිනියක බවටයි වාර්තා වන්නේ. අල්මාරියක් ලබාගැනීමට රුපියල් 23,500ක මුදලක් ගෙවන ලද බිලක් ලබාගන්න අවස්ථාවේදී අදාළ නිලධාරිනිය අත්අඩංගුවට ගෙන ඇති බවට වාර්තා වනවා. අත්අඩංගුවට ගැනුණු ග්‍රාම නිලධාරිනිය සියඹලාණ්ඩුව පොලිස් ස්ථානය වෙත භාරදී තිබෙනවා.

මගී ප්‍රවාහන බස් රථයක් සහ දර ප්‍රවාහන කළ ලොරි රථයක් මුහුණට මුහුණලා ගැටීමෙන් අද(26) සිදු වූ අනතුරකින් මගී ප්‍රවාහනය කළ පෞද්ගලික බස් රථයේ රියදුරා නාවලපිටිය රෝහලට ඇතුළත් කර අති බව නාවලපිටිය පොලිසිය පවසනවා. හැටන් මහනුවර ප්‍රදේශ මාර්ගයේ නාවලපිටිය මීපිටිය ප්‍රදේශයේදී අද(26) පෙරවරු 11.30ට පමණ මෙම අනතුර සිදුව තිබෙනවා. මහනුවර සිට හැටන් බලා දර ප්‍රවාහනය කළ ලොරි රථයක පසුපස කොටස බස් රථයේ රියදුරු අසුන ආසන්නයේ ගැටීමෙන් මෙම අනතුර සිදුව ඇති බවත් අනතුරෙන් බස් රථයේ රියදුරුගේ අසුන ප්‍රදේශයට දැඩි අලාභ හානි සිදුව ඇති බවත් පොලිසිය පවසනවා. බස් රථය අනතුරට පත්වන අවස්ථාවේ බස් රථයේ මගීන් විශාල පිරිසක් ගමන් කර ඇති බවත් මගීන්ට කිසිදු…

මෙරට ජාතික ආරක්ෂාව පිළිබඳ ජනතාව කිසිදු සැකයක් ඇතිකර ගත යුතු නොමැති බවත් ජාතික ආරක්ෂාව වත්මන් රජය තහවුරු කර ඇති බව වගකීමෙන් පවසන බවත් ජාතික ජන බලවේගයේ මැදවච්චිය ආසන සංවිධායක, අනුරාධපුර දිස්ත්‍රික් පාර්ලිමේන්තු මන්ත්‍රී සුසන්ත කුමාර නවරත්න මහතා පවසනවා. නමුත් විවිධ සිදුවීම් මත මෙම වෙඩි තැබීමි පිළිබඳ රජයට යම් සැකයක් මතුව ඇති බවත් ඒ පිළිබඳව කඩිනමින් පරික්ෂණයක් සිදුකිරීමට කටයුතු කරන බවද ඒ මහතා කියා සිටියා. මෙරට මාස 09ක් වැනි කෙටි කාලයක් තුළ අඛණ්ඩව සිදුවූ 88 වැනි වෙඩි තැබීම හා හිටපු ජනාධිපති රනිල් වික්‍රමසිංහ මහතා රෝහල තුළ ඝාතනය කිරීමේ සැලැස්මක් පිළිබඳ හෙළිවීමත් සහ සොලිස්ටර් ජනරාල්වරයා ඝාතන සැලැස්මක් පිළිබඳ පළවන විවිධ ප්‍රකාශ පිළිබඳවත්…

මෙරට ගම්වල අහිංසක ජනතා වත්මන් ආණ්ඩුවේ ප්‍රකාශවලට රැවැටුණු බවත් වත්මන් ආණ්ඩුවට මෙතෙක් බේබි සබන් කැටයක මිලවත් අඩු කරන්න බැරි වී ඇති බවත් වැරදුන රට නැවත නිවැරදි කරන්න ගම්වල ජනතාව මේවන විට පෙල ගැසෙමින් සිටින බවද මැදවච්චිය ප්‍රාදේශිය සභාවේ විපක්ෂ නායක සුජීව සෝමපාල මහතා පවසනවා. පවතින දේශපාලනික තත්ත්වය පිළිබඳ සහ වත්මන් රජයේ තීන්දු තීරණ පිළිබඳ මාධ්‍ය වෙත අද(26) මැදවච්චිය නගරයේදී අදහස් දක්වමින් මැදවච්චිය ප්‍රාදේශිය සභාවේ විපක්ෂ නායක සුජීව සෝමපාල මහතා එලෙස කියා සිටියා. එහිදී වැඩිදුරටත් අදහස් දැක්වූ මැදවච්චිය ප්‍රාදේශිය සභාවේ විපක්ෂ නායක සුජීව සෝමපාල මහතා. “මේවන විට දුන්න පොරොන්දු ඉටුකර ගන්න බැරුව ආණ්ඩුව දඟලනවා. කොටින්ම කිවුවොත් මැදවච්චිය ප්‍රාදේශිය සභාව ගත්තාම නගරයේ…

රක්ෂිත බන්ධනාගාර ගත කර සිටි හිටපු ජනාධිපති රනිල් වික්‍රමසිංහ මහතා ඇප මත මුදාහරින ලෙස කොළඹ කොටුව මහතා ඇප මත මුදාහැර තිබෙනවා. රුපියල් ලක්ෂ 50 බැගින් වූ ශරීර ඇප තුනක් මතයි. කොළඹ කොටුව මහේස්ත්‍රාත් නිලුපුලී ලංකාපුර මෙනෙවිය විසින් මෙම නියෝගය නිකුත් කර තිබෙනවා.

නාවලපිටිය බස් නැවතුම්පොළ අසල වෙළෙඳ සංකීර්ණයේ උඩු මහලේ පිහිටා ඇති බලපත්‍රලාභී රට බීම මත්පැන් විකුණුම් ස්ථානයෙන් මත්පැන් මිලදීගෙන එම රට බීම වෙළෙඳ සැල ඉදිරිපිට මත්පැන් පානය කර අශෝභන ලෙස හැසුරුණු පුද්ගලයන් 14 දෙනෙක් සැකපිට අත්අඩංගුවට ගත් බව නාවලපිටිය පොලිසිය පවසනවා. බස් නැවතුම්පොළට දිස්වන සේ පිහිටි එම රට බීම මත්පැන්සලෙන් මත්පැන් මිලදී ගන්නා ඇතැම් පුද්ගලයන් එම වෙළෙඳ සැල ඉදිරිපිටම මත්පැන් පානය කර බස් නැවතුම් පොලේ රැඳී සිටින පාසල් ළමුන්ට සහ බස් නැවතුම් පොලේ පිහිටි වෙළෙඳ සැල්වලට පිවිසෙන කාන්තා පාරිභෝගිකයන් ඇතුළු මගීන්ට උසුළු විසුළු කරන බවට නාවලපිටිය පොලිසියට ලද පැමිණිලි කිහිපයක් මත මෙම වැටලීම සිදු කර ති බෙනවා. මෙම මත්පැන් අලෙවිසැලෙන් මත්පැන්…

වර්තමානයේ රටේ මතුව ඇති අපරාධ රැල්ල සම්බන්ධයෙන් අවධානය යොමුකර එය මැඩපැවැත්වීම සඳහා අවධානය යොමු කරන ලෙසත් මෙම තත්ත්වය සාමාන්‍ය ජනතාවට දැඩි තර්ජනයක් බවත් ජාතික නාමල් උයනේ නිර්මාතෘ වනවාසි රාහුල හිමියන් පොලිස්පති නීතිඥ ප්‍රියන්ත වීරසූරිය මහතාගෙන් ඉල්ලා සිටිනවා. උන්වහන්සේ මෙම ඉල්ලීම කර සිටියේ ජාතික නාමල් උයනේ පැවති මාධ්‍ය හමුවකට එක්වෙමින්. වත්මන් පොලිස්පතිවරයා පහළම මට්ටමේ සිට ඉතා අසීරුවෙන් ඉහළට පැමිණි අයෙක් බවත් පොලිස් සේවයේ දීර්ඝ කාලීන සේවයක් කර පොලිස්පති තනතුරට පැමිණි බවත් උන් වහන්සේ මාධ්‍ය හමුවේදී කියා සිටියා. එසේම එලෙස පහළම මට්ටමේ සිට පොලිස්පති තනතුර දක්වා පැමිණි ඉතිහාසයට එක්වන පොලිස්පතිවරයෙකු ලෙසටද වත්මන් පොලිස්පතිවරයා හැඳින්විය හැකි බවයි රාහුල හිමියන් වැඩිදුරටත් කියා සිටියේ. මාධ්‍ය…

මාතර වෙරළ පාර ප්‍රදේශයේදී වෙඩි තැබීමක් සිදුව තිබෙනවා. පොලිසිය කියා සිටියේ මාතර වෙරළ පාර ප්‍රදේශයේ පිහිටි අවන්හලක හිමිකරුවෙකුට කාර් රථයකින් පැමිණි පුද්ගලයෙකු විසින් ඊයේ (25) රාත්‍රී කාලයේ වෙඩි තබා පළා ගොස් ඇති බවයි. වෙඩි තැබීමෙන් කිසිවෙකුටත් තුවාල සිදුව නොමැති බවත් වෙඩි තැබීම සඳහා පිස්තෝල අවියක් යොදාගෙන ඇති බවත් පොලිසිය පවසනවා. වෙඩි ප්‍රහාරයේ ඉලක්කය වූ අවන්හල් හිමිකරු වෙඩික්කරු සමග පොර බැදීමක් සිදු කිරීමෙන් පසුව සැකකරු පළා ගොස් තිබෙනවා. ගිනි අවිය, සජීව පතරොම් හතරක් සහ හිස් කොපුවක් එම ස්ථානයේ දමා ගොස් තිබියදී හමුව ඇති බවයි පොලිසිය පවසන්නේ. මෙම වෙඩි තැබීමට හේතුව හෝ සැකකරු සම්බන්ධයෙන් මෙතෙක් තොරතුරු අනාවරණ වී නොමැති අතර මාතර පොලිසිය…

සම්භාහන මධ්‍යස්ථානයක් මුවාවෙන් පවත්වාගෙන ගිය ගණිකා නිවාස දෙකක් වටලා සැකකරුවන් දෙදෙනෙක් සහ සැකකාරියන් 11 දෙනෙක් ගල්කිස්ස කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා. පොලිසිය කියා සිටියේ පිළියන්දල, බෝකුන්දර ප්‍රදේශයේ වැටලීම් දෙකක් සිදු කර සම්බාහන මධ්‍යස්ථාන මුවාවෙන් පවත්වාගෙන ගිය ගණිකා නිවාස දෙකක් වටලා ඇති බවයි. එහිදී ගණිකා නිවාස කළමනාකරණය කිරීම සම්බන්ධයෙන් සැකකරුවන් දෙදෙනෙක් සහ ගණිකා සේවයේ යෙදී සිටීමට රැඳී සිටි කාන්තාවන් 11 දෙනෙක් අත්අඩංගුවට ගෙන පිළියන්දල පොලිස් ස්ථානය වෙත ඉදිරිපත් කර තිබෙනවා. අත්අඩංගුවට ගත් සැකකරුවන් වයස අවුරුදු 30ක් සහ 32ක් වන දික්ඔය සහ දෙනියාය ප්‍රදේශවල පදිංචිකරුවන් දෙදෙනෙකි. සැකකාරියන් වයස අවුරුදු 30ත් 45ත් අතර වයස්වල පසුවන පිරිසක් බවයි පොලිසිය පවසන්නේ. එම…

ඌව පළාතේත් අම්පාර සහ මඩකලපුව දිස්ත්‍රික්කවලත් පස්වරු 2න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිවේදනය කරනවා. නිවේදනයක් නිකුත් කරමින් එම දෙපාර්මේන්තුව වැඩිදුරටත් පවසන්නේ බස්නාහිර සහ සබරගමුව පළාත්වල උදෑසන කාලයේදී වැසි ස්වල්පයක් ඇති විය හැකි බවයි. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින බවද නිවේදනයේ සඳහන්. මේ අතර ඉදිරි පැය 24ක කාලය සඳහා දිවයින වටා වන මුහුදු ප්‍රදේශවලට අදාළ කාලගුණ නිවේදනයද කාලගුණ විද්‍යා දෙපාර්තමේන්තුව විසින් නිකුත් කර තිබෙනවා. වැසි තත්ත්වය දිවයින වටා වන මුහුදු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතී. සුළඟ සුළං බස්නාහිර සිට නිරත දක්වා…