Author: Anura Premakumara

මෙරට දළ නිල සංචිත ප්‍රමාණය අමෙරිකානු ඩොලර් බිලියන 05ක් දක්වා ඉහළ ගොස් තිබෙනවා. පසුගිය මාර්තු මාසය වන විට දළ නිල සංචිත ප්‍රමාණය මෙලෙස ඉහළ ගොස් ඇති බවයි ශ්‍රී ලංකා මහ බැංකුව සඳහන් කළේ. දළ නිල සංචිත ඉහළ යාමට ප්‍රධාන වශයෙන්ම මහ බැංකුව විසින් ශුද්ධ පදනම මත දේශීය විදේශීය විනිමය වෙළෙඳපලෙන් සැලකිය යුතු ලෙස විදේශ විනිමය මිලදී ගැනීම හේතු වී තිබෙනවා.

අමෙරිකාවේ ඇරිසෝනා ප්‍රාන්තයේ සෙනෙට් සභාව ගබ්සා කිරීම තහනම් කිරීමේ නීතිය අවලංගු කිරීම සඳහා ඡන්දය ලබා දී තිබෙනවා. මෙම ප්‍රාන්තය තුළ 1864දී ගබ්සා කිරීම තහනම් කර ඇති බවයි විදෙස් මාධ්‍ය වාර්තා කර ඇත්තේ. ඒ අනුව අදාළ නීතිය විදිමත් කිරීමට නියමිතව තිබෙනවා.

ඉන්දීය ප්‍රිමියර් ලීග් ක්‍රිකට් තරඟාවලියේ 49 වැනි තරඟයෙන් කඩුළු 7ක ජයක් වාර්තා කිරීමට පංජාබ් කිංග්ස් කණ්ඩායම සමත් වුණා. ඒ චෙන්නායි සුපර් කිංග්ස් කණ්ඩායම පරාජයට පත් කරමින්. තරඟයේ පළමුවෙන් පන්දුවට පහරදුන් චෙන්නායි කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 162ක් රැස් කළා. එහිදී නායක රුතුරාජ් ගායික්වාඩ් පන්දු 48දී ලකුණු 62ක් රැස් කිරීමට සමත් වුණා. පන්දු යැවීමේදී රාහුල් චහාර් ලකුණු 16ට කඩුළු 2ක් බිඳ හෙලුවා. ඒ අනුව පිළිතුරු ඉනිම ක්‍රීඩා කළ පංජාබ් කණ්ඩායම පන්දුවාර 17යි පන්දු 5ක් අවසානයේ කඩුලු 3ක් පමණක් දැවී ලකුණු 163ක් ලබා ගනිමින් තරඟය ජයග්‍රහණය කළා. එහිදී ජොනි බෙයාස්ටොව් පන්දු 30දී ලකුණු 46ක් රැස් කිරීමට සමත්…

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා . ඒ අනුව වයඹ පළාතේ සහ මන්නාරම දිස්ත්‍රික්කයේ සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව සදහන් . ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ද කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටිනවා .

අද සහ හෙට යන දෙදින තුළ අසනීප නිවාඩු වාර්තා කිරීමේ වෘත්තීය සමිති ක්‍රියාමාර්ගයක නිරත වීමට රජයේ විධායක නිලධාරීන්ගේ ඒකාබද්ධ කමිටුව තීරණය කර තිබෙනවා . ඒ, වැටුප් විෂමතා ඇතුළු වෘත්තීය ගැටලුවලට විසඳුම් ලබානොදීමට විරෝධය පළ කරමින් . ඊට සමගාමීව අද දිනයේ කොළඹ දී උද්ඝෝෂණ ව්‍යාපාරයක් පැවැත්වෙන බව එම සංගමය පවසනවා . රජයේ දීපව්‍යාප්ත සේවාවලට සහ සමාන්තර දෙපාර්තමේන්තු ගත සේවාවලට අයත් 18,000ක් පමණ වන විධායක නිලධාරීන් හට බලපා ඇති වෘත්තීය ගැටලුවලට විසඳුම් ලබාදීම සඳහා රජය මෙතෙක් කටයුතු කර නොමැති බවයි රජයේ විධායක නිලධාරීන්ගේ ඒකාබද්ධ කමිටුව පෙන්වාදෙන්නේ. මේ වන විටත් සියලුම දිස්ත්‍රික් හා ප්‍රාදේශීය සම්බන්ධිකරණ කටයුතුවලින් රජයේ විධායක නිලධාරීන් මේ වනවිට ඉවත්…

ඩීසල් මිල අඩු කිරීමට සාපේක්ෂව බස් ගාස්තු අඩු කළ හැකි ද, නැද්ද යන්න පිළිබද තීන්දුව අද ප්‍රකාශයට පත් කරන බව ජාතික ගමනාගමන කොමිෂන් සභාව පවසනවා. ඒ අනුව අද දින කොම්ෂන් සභාව රැස් වී ඉන්ධන මිල අඩු කිරීම ගණනය කර අදාළ තීරණය ප්‍රකාශ කිරීමටයි නියමිතව ඇත්තේ. කෙසේ වෙතත් ඩීසල් මිල පහළ දැමුණද බස් ගාස්තු අඩු කළ නොහැකි බවයි පෞද්ගලික බස් සංගම් ප්‍රකාශ කළේ.

තේ කිලෝග්‍රෑම් එකක් නිෂ්පාදනය කිරීම සඳහා වැය වන ඉහළ පිරිවැය හමුවේ වතු කම්කරුවන්ගේ දෛනික වැටුප රුපියල් 1700ක් දක්වා වැඩි කිරීමට නොහැකි බව වතු හාම්පුතුන්ගේ සංගමය පවසනවා. ඒ අනුව මෙම තීරණයට එරෙහිව අධිකරණ ක්‍රියාමාර්ග ගන්නා බවයි ඔවුන් සඳහන් කළේ. මේ සම්බන්ධයෙන් වන විශේෂ සාකච්ඡාවවක් වතු සමාගම්වල උසස් නිලධාරීන් එක්ව අද දිනයේදී සිදු කරන අතර, එම සාකච්ඡාවෙන් පසු අධිකරණ ක්‍රියාමාර්ග ගැනීමට නියමිතයි.

ඊයේ මධ්‍යම රාත්‍රියේ සිට ක්‍රියාත්මක වන පරිදි සයිනොපෙක් ඉන්ධන මිල ගණන් ද පහළ දැමීමට පියවර ගෙන තිබෙනවා. ලංකා ඛණිජ තෙල් සංස්ථාව ඊයේ මධ්‍යම රාත්‍රියේ සිට සියලුම වර්ගයේ ඉන්ධන මිල ගණන් පහත දැමීමට කටයුතු කළ අතර, ඒ අනුවයි සයිනොපෙක් සමාගම ද එම මිල ගණන් වලට සමානව ඉන්ධන මිල ගණන් පහළ දැමීමට කටයුතු කර ඇත්තේ. මේ අතර මෙම මිල ගණන් වලය සමානව ලංකා අයි.ඕ.සී සමාගමද ඉන්ධන මිල ගණන් අඩු කිරීමට කටයුතු කරනු ලැබුවා.

ජාත්‍යන්තර කම්කරු දිනය වෙනුවෙන් ජනාධිපති රනිල් වික්‍රමසිංහ මහතා අද මැයි දින රැළි දෙකකට එක්වීමට නියමිතව තිබෙනවා. ලංකා කම්කරු කොංග්‍රසය සංවිධානය කරන මැයි දින රැළිය අද පෙරවරු 10 ට කොටගල මහජන ක්‍රීඩාංගණයේ දී ආරම්භ වීමට නියමිත අතර ජනාධිපති රනිල් වික්‍රමසිංහ මහතා ප්‍රථමයෙන් ඊට එක්වීමට නියමිතයි. අනතුරුව එක්සත් ජාතික පක්ෂ මැයි දින රැළිය අද පස්වරු 02 ට මාලිගාවත්ත පී.ඩී. සිරිසේන ක්‍රීඩාංගනයේදී ජනාධිපති රනිල් වික්‍රමසිංහ මහතාගේ ප්‍රධානත්වයෙන් ආරම්භ කිරීමට කටයුතු යොදා තිබෙනවා.

බස්නාහිර, සබරගමුව සහ මධ්‍යම යන පළාත්වලත් ගාල්ල සහ මාතර යන දිස්ත්‍රික්කවලත් අද පස්වරු 02 න් පමණ පසු තැනින් තැන වැසි හෝ ගිගුරුම් සහිත වැසි ඇතිවිය හැකි බව කාලගුණවිද්‍යා දෙපාර්තමේන්තුව පවසනවා. වයඹ පළාතේ සහ මන්නාරම දිස්ත්‍රික්කයේ සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැක බවයි එම දෙපාර්තමේන්තුන සඳහන් කළේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගීන් සිදුවිය හැකි අනතුරු අවම කරගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.