Author: Anura Premakumara

කොළඹ මහ නරග සභා බල ප්‍රදේශයේ අධි අවධානම් සහිත ගස් සියල්ල ඉදිරි දින කිහිපය තුළ කපා ඉවත් කිරීමට තීරණය කළ බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසනවා. එලෙස ඉවත් කරන ගස් වෙනුවට අලුතින් ගස් සිටුවීමට ජනාධිපති රනිල් වික්‍රමසිංහ මහතා උපදෙස් ලබා දුන් බවයි කොළඹ පැවති මාධ්‍ය හමුවකට එක්වෙමින් ඔහු සඳහන් කළේ.

සංචාරක දකුණු අප්‍රිකා කණ්ඩායමට එරෙහිව පැවති තෙවැනි විස්සයි විස්ස ක්‍රිකට් තරඟයෙන් කඩුලු 08ක ජයක් වාර්තා කිරීමට බටහිර ඉන්දීය කොදෙව් කණ්ඩායම ඊයේ සමත් වුණා. තරඟයේ පළමුවෙන් පන්දුවට පහරදුන් දකුණු අප්‍රිකා කණ්ඩායම නියමිත පන්දුවාර 20 අවසානයේ කඩුලු 07ක් දැවී ලකුණු 163ක් රැස් කළා. ඒ අනුව පිළිතුරු ඉනිම ක්‍රීඩා කළ බටහිර ඉන්දීය කොදෙව් කණ්ඩායම පන්දුවාර 13යි පන්දු 5ක් අවසානයේ කඩුලු 2ක් පමණක් දැවී ලකුණු 165ක් ලබා ගනිමින් තරඟය ජයග්‍රහණය කළා.

අහුංගල්ල, බෝගහපිටිය ප්‍රදේශයේ නිවසක සිටි පුද්ගලයෙකුට වෙඩිතබා මනුෂ්‍ය ඝාතනයක් සිදු කිරීමට සම්බන්ධ පුද්ගලයෙකු කොස්ගොඩ, කහබිලියාකන්ද ප්‍රදේශයේදී අත්අඩංගුවට ගෙන තිබෙනවා. අත්අඩංගුවට පත්වන අවස්ථාවේ සැකකරු සන්තකයේ තිබී හෙරෝයින් මිලිග්‍රෑම් 03යි මිලිග්‍රෑම් 410ක් සොයාගත් බවයි පොලීසිය සඳහන් කළේ. මෙම සැකකරු වයස අවුරු 36ක් වූ නිල්ලපතන ප්‍රදේශයේ පදිංචිකරුවෙක් වන අතර සිද්ධිය සම්බන්ධයෙන් කොස්ගොඩ පොලීසිය වැඩිදුර විමර්ශන සිදු කරනු ලබනවා.

ප්‍රවීණ සංගීතඥ, වාදන සහ ගායන ශිල්පී ආනන්ද පෙරේරා මහාත අභාවප්‍රාප්ත වුණා. මහනුවර මහරෝහලේදී ඊයේ ඒ මහතා අභාවප්‍රාප්ත වූ බවයි ඔහුගේ ඥාතීන් සඳහන් කළේ. ආනන්ද පෙරේරා මහාතලංකාවේ බිහිවූ විශිෂ්ට සංගීතවේදියෙක් වනවා. මෙරට ජන සංගීතයේ සිට පෙරදිග ශාස්ත්‍රීය සංගීතය මෙන්ම බටහිර සංගීතය දක්වාත්, ඇමරිකානු හා අප්‍රිකානු ජනසංගීත විධීන් කෙරෙහිත් ශාස්ත්‍රීයමය අවධානය යොමු කරමින් ඒ මහාත සංගීතමය කටයුතු සිදු කර තිබෙනවා.

ගාසා තීරයේ රෆා නගරය ආසන්නයේ තිබූ සරණාගත කඳවුරක සිදු වූ පිපිරීමකින් පුද්ගලයන් 50 දෙනෙකු ජීවිතක්ෂයට පත්ව තිබෙනවා. මෙහිදී තවත් විශාල පිරිසක් තුවාල ලබා ඇති බවයි විදෙස් මාධ්‍ය වාර්තා කර ඇත්තේ. මෙම පිපිරීමත් සමග එම කඳවුර තුළ විශාල ගිනිදැල් පැතිරෙමින් පවතින බවද සඳහන්. මේ අතර එම ප්‍රදේශයේ හමාස් සංකීර්ණයක් ඉලක්ක කර ගනිමින් ගුවන් ප්‍රහාර එල්ල කළ බවට ඊශ්‍රායල හමුදා ප්‍රකාශ කර ඇති බවයි විදෙස් මාධ්‍ය වැඩිදුරටත් සඳහන් කර ඇත්තේ.

පවතින අධික වර්ෂාපතනයත් සමඟ ඩෙංගු රෝගීන්ගේ වැඩිවීමක් දක්නට ලැබෙන බව සෞඛ්‍ය අමාත්‍යාංශයේ ජාතික ඩෙංගු මර්ධන ඒකකය පවසනවා. මේ වන විට ඩෙංගු රෝගීන් 23,000ක් පමණ වාර්තා වී ඇති බවයි ජාතික ඩෙංගු මර්ධන ඒකකය පවසන්නේ. ඒ අනුව කොළඹ, ගම්පහ, කළුතර, යාපනය යන දිස්ත්‍රික්කවල මේ වන විට ඩෙංගු රෝගය සීඝ්‍රයෙන් පැතිර යමින් තිබෙන අතර වැඩිම රෝගීන් ප්‍රමාණයක් වාර්තා වන්නේ කොළඹ දිස්ත්‍රික්කයෙන් බවද සදහන් . මේ ඒ පිළිබදව වැඩි දුරටත් අදහස් පළකල මහජන සෞඛ්‍ය පරීක්ෂක වරුන්ගේ සංගමයේ සභාපති උපුල් රෝහණ මහතා .

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබෙනවා . ඊයේ පෙ.ව 10.30ට නිකුත් කරන ලද එම නිවේදනය අද පෙ.ව 10.30 තෙක් වලංගුවන බවයි එම දෙපාර්තමේන්තුව සඳහන් කළේ. මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව කියාසිටියා . දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැයට කිලෝ මීටර් 50ත් 60ත් පමණ තද සුළං ඇතිවිය හැකි බවද සදහන්. දිවයිනේ සෙසු ප්‍රදේශවල විටින් විට හමන පැයට…

2024 ශිෂ්‍යත්ව විභාගය සදහා අයදුම්පත් කැඳවීම අද සිට සිදුකරන බව විභාග දෙපාර්තමේන්තුව පවසනවා. එම දෙපාර්තමේන්තුව නිවේදනය කළේ අද සිට ජුනි 14 වනදා දක්වා ඔන්ලයින් ක්‍රමය ඔස්සේ ඒ සදහා අයදුම් කළ හැකි බවයි. කිසිදු හේතුවක් මත අයදුම්පත් භාර ගැනීමේ අවසන් දිනය දීර්ඝ නොකරන බව ද විභාග දෙපාර්තමේන්තුව සදහන් කළා. 2024 ශිෂ්‍යත්ව විභාගය සැප්තැම්බර් 15 වනදා පැවැත්වීමට සැලසුම් කර තිබෙනවා.

ඉපැරණි පස්ලෝහමය බුද්ධ ප්‍රතිමාවක් එක්කෝටි විසි ලක්ෂයකට අලෙවි කිරීමට සූදානම් වූ පුද්ගලයෙකු අත්අඩංගුවට ගෙන කුරුවිට ප්‍රදේශයේදී අත්අඩංගුවට ගෙන තිබෙනවා. වලාන මධ්‍යම දූෂණ මර්දන ප්‍රහාරක බළකාය මගින් සිදුකළ මෙහෙයුමකදී වයස අවුරුදු 63ක් වන කුරුවිට ප්‍රදේශයේ පදිංචි යකැදුරෙකු වන මෙම පුද්ගලයා අත්අඩංගුවට ගැනීමටයි කටයුතු කර ඇත්තේ. මෙලෙස අලෙවි කිරීමට සූදානම්ව තිබු බුද්ධ ප්‍රතිමාව අඩි 3යි අඟලක් උස සහ අඩි දෙකහමාරක් පළල කිලෝග්‍රෑම් 48ක බරකින් යුක්ත බව පොලීසිය සඳහන් කළා. සිද්ධිය සම්බන්ධයෙන් කුරුවිට පොලීසිය වැඩිදුර විමර්ශන සිදු කරනු ලබනවා.

2024 ඉන්දීය ප්‍රිමියර් ලීග් ක්‍රිකට් තරඟාවලියේ ශූරයන් බවට පත්වීමට කොල්කටා නයිට් රයිඩර්ස් කණ්ඩායම ඊයේ සමත් වුණා. ඒ අවසන් මහා තරඟයේදී සන්රයිසස් හයිද්‍රාබාද් කණ්ඩායම කඩුලු 08කින් පරාජයට පත් කරමින්. තරඟයේ පළමුවෙන් පන්දුවට පහරදුන් සන්රයිසස් හයිද්‍රාබාද් කණ්ඩායම පන්දුවාර 18යි පන්දු 03ක් අවසානයේ සියලු දෙනා දැවී ලකුණු 113ක් රැස් කළා. එහිදී ඉනිමේ වැඩිම ලකුණු ලාභියා වූ නායක පැට් කමින්ස් පන්දු 19දී ලකුණු 24ක් රැස් කිරීමට සමත් වුණා. පන්දු යැවීමේදී ඇන්ඩි්‍ර රසල් ලකුණු 19ට කඩුලු 03ක් දවාගත් අතර, මිචෙල් ස්ටාර්ක් සහ හර්ෂිට් රානා කඩුලු 2 බැගින් බිඳ හෙලුවා. ඒ අනුව පිළිතුරු ඉනිම ක්‍රීඩා කළ කොල්කටා නයිට් රයිඩර්ස් කණ්ඩායම පන්දුවාර 10යි පන්දු 3ක් අවසානයේ කඩුලු…