Author: Anura Premakumara

අයහපත් කාලගුණයෙන් විපතට පත් ජනතාවට අඛණ්ඩව සහන සලසන ලෙස ජනාධිපති රනිල් වික්‍රමසිංහ මහතා උපදෙස් ලබා දී තිබෙනවා. ඒ අනුව ජීවිතක්ෂයට පත් වූ පුද්ගලයන් වෙනුවෙන් වන්දි මුදල් ලබාදීමට ද තීරණය කර ඇත්තේ. අයහපත් කාලගුණය හේතුවෙන් ඊයේ වනවිට පුද්ගල මරණ 8ක් වාර්තා වූ අතර තවත් අනතුරුවලින් පුද්ගලයින් කිහිප දෙනෙකු ජීවිතක්ෂයට පත්ව ඇති බවටයි ආපදා සහන සේවා මධ්‍යස්ථානය සදහන් කළේ. ඔවුන් වෙනුවෙන් වන්දි ලබාදෙන ලෙස ද ජනාධිපතිවරයා අදාළ පාර්ශ්ව වෙත දැනුම් දී තිබෙනවා. ඒ අනුව ජීවිතක්ෂයට පත්වූ එක් පුද්ගලයෙකු වෙනුවෙන් රුපියල් දෙලක්ෂ පනස්දහස බැගින් වන්දි මුදල් ලබාදීමට නියමිතයි. අත්තිකාරම් ලෙස මේ වනවිටත් රුපියල් 25,000 බැගින් ලබාදීමට කටයුතු කර තිබෙනවා.

ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය සහ නිත්‍ය ණය පහසුකම් තවදුරටත් නොවෙනස්ව පවත්වාගෙන යෑමට මහ බැංකු මුදල් මණ්ඩලය තීරණය කර තිබෙනවා. ඒ අනුව නිත්‍ය තැන්පතු පහසුකම් අනුපාතිකය සියයට 8.50ක් සහ නිත්‍ය ණය පහසුකම් සියයට 9.50ක් පවත්වාගෙන යන බවයි මහබැංකුව නිවේදනයක් නිකුත් කරමින් සඳහන් කරන්නේ. එමෙන්ම, 2024 අප්‍රේල් මාසය අවසන් වන විට දළ නිල සංචිත ප්‍රමාණය අමෙරිකානු ඩොලර් බිලියන 5.5 දක්වා ඉහළ ගොස් ඇති බවද මහබැංකුව පවසනවා.

2024 විස්සයි විස්ස ලෝක කුසලාන ක්‍රිකට් තරඟාවලියට පෙර පැවැත්වෙන පුහුණු තරඟාවලියේ ශ්‍රී ලංකාව සහභාගී වන තරඟයක් අද පැවැත්වෙනවා. එහිදී නෙදර්ලන්ත කණ්ඩායමට එරෙහිව ශ්‍රී ලංකා කණ්ඩායම තරඟවැදීමට නියමිතයි. මෙම තරඟය මෙරට වේලාවෙන් අද පස්වරු 08ට ආරම්භ කිරීමට කටයුතු යොදා තිබෙනවා.

ග්‍රාමීය පහසුකම් සැලසීම සහ අඩු ආදායම්ලාභීන්ගේ ජීවන තත්ත්වය නංවාලීම සඳහා රුපියල් බිලියන 20ක් වැය කිරීමට රජය තීරණය කර තිබෙනවා. ඊට සමගාමීව කෘෂිකාර්මික ව්‍යාපෘතියක් ක්‍රියාත්මක කිරීමටයි නියමිතව ඇත්තේ. මේ පිළිබඳ දීර්ඝ වශයෙන් ජනාධිපති රනිල් වික්‍රමසිංහ මහතාගේ ප්‍රධානත්වයෙන් රැස් වූ කැබිනට් මණ්ඩලයේදී තීරණය කර තිබෙනවා.

ප්‍රංශ විවෘත ටෙනිස් තරඟාවලියට ක්‍රීඩා කිරීම සඳහා නැවත පැමිණි ග්‍රෑන්ඩ් ස්ලෑම් ශූර රෆායෙල් නඩාල් මුහුණ දුන් පළමු තරඟයේදීම ඊයේ පරාජයට පත් වුණා. එහිදී නඩාල් පරාජයට පත් කරමින් ජයග්‍රහණය කරනු ලැබුවේ ජර්මානු ජාතික ඇලෙක්සැන්ඩර් ස්වෙරෙව් විසින්. මෙම තරඟයේදී 6 ට 3ක්, 7ට 6ක් සහ 6ට 3ක් ලෙසයි රෆායෙල් නඩාල් පරාජයට පත් වුණේ. මෙම තරඟය ඔහු ප්‍රංශ විවෘත ටෙනිස් තරඟාවලියට ක්‍රීඩා කරන තරඟය බවට වාර්තා පළ වූ අතර, ඊට සාර්ථක ආරම්භයක් ලබා ගැනීමට රෆායෙල් නඩාල්ට හැකියාවක් ලැබුණේ නැහැ.

බංග්ලාදේශයට සහ ඉන්දියාවට බලපෑ සුළි කුණාටු තත්ත්වයක් හේතුවෙන් පුද්ගලයන් 16 දෙනෙකු ජීවිතක්ෂයට පත්ව තිබෙනවා. පැයට කිලෝමීටර් 110ක වේගයකින් මෙම සුළි කුණාටුව හමාගොස් ඇති බවයි විදෙස් මාධ්‍ය වාර්තා කර ඇත්තේ. මෙම සුළි කුණාටු තත්ත්වය හේතුවෙන් බංග්ලාදේශයේ පුද්ගලයන් මිලියන 3කට වැඩි ප්‍රමාණයක් පීඩාවට පත්ව ඇති අතර, නිවාස 35,483ක් විනාශ වී ඇති බව සඳහන්. මේ අතර මෙම සුළි කුණාටුවෙන් ඉන්දියාවේ පැල්පත් නිවාස වලට දැඩි හානි සිදුව ඇති අතර, එම නිවාස වල සිටි පුද්ගලයන් ආරක්ෂිත ස්ථාන කරා යොමු කිරීමට කටයුතු කර තිබෙනවා.

සමගි ජන බලවේගය යෝජනා කළ දින අතුරින් ආර්ථික කමිටු ව්වාදයට ජාතික ජන බලවේගය ලබා දෙන දිනය නොපමාව දැනුම් දෙන ලෙස දන්වමින් එම පක්ෂයේ මෙහෙයුම් ප්‍රධානී, විවාද සම්බන්ධිකාරක පාර්ලිමේන්තු මන්ත්‍රී නලින් බණ්ඩාර මහතා යලිත් ළිපියක් යොමු කර තිබෙනවා. ජාතික ජන බලවේගයේ විධායක සභික වෛද්‍ය නලින් ද ජයතිස්ස මහතා වෙත ලිපියක් යොමුකරමින් ඔහු මේ බව ප්‍රකාශ කිරීමටයි කටයුතු කර ඇත්තේ. සමගි ජන බලවේගය විසින් යෝජනා කරනු ලබන ආර්ථික කමිටු විවාදය පිළිබඳ කිසිදු සඳහනක් නොකර එම විවාදය පිළිබඳ අවධානය වෙනත් දිශාවකට යොමු කරන බවද එම ලිපියේ සඳහන් කර තිබෙනවා. ඒ අනුව නායකයන් දෙදෙනා අතර විවාදය සහ ආර්ථික කමිටු දෙක අතර විවාදය යන…

මොසම් වර්ෂාවත් සමග ඩෙංගු අධි අවධානම් තත්ත්වයක් මතු විය හැකි සෞඛ්‍ය වෛද්‍ය නිලධාරී කොට්ඨාස 71ක් හඳුනාගෙන ඇති බව ජාතික ඩෙංගු මර්ධන ඒකකයේ අධ්‍යක්ෂ විශේෂඥ වෛද්‍ය සුදත් සමරවීර මහතා පවසනවා. ඒ අනුව දිවයින පුරා ඩෙංගු මර්ධන වැඩසටහන් ක්‍රියාත්මක කර ඇති බවයි ඔහු පෙන්වා දෙන්නේ.

ඉදිරි දින කිහිපය තුලද අධික වැසි සහිත කාලගුණ තත්ත්වය පවතින බව කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක මහතා පවසනවා. ඇතැම් ස්ථාන වලට මිලිමීටර 75 ඉක්ම වූ තද වැසි අද දිනයේත් අපේක්ෂා කළ හැකි බවයි ඒ මහතා පෙන්වා දෙන්නේ. වර්ථමානය වන විට පවුල් 14,000ක් අධි අවධානම් කලාප වල ජීවත් වන බව ජාතික ගොඩනැගිලි පර්යේෂන සංවිධානයේ ජ්‍යේෂ්ඨ භූ විද්‍යාඥ ලක්සිරි ඉන්ද්‍රතිලක මහතා පවසනවා. ඒ අනුව රතු නිවේදන නිකුත් කළ වහාම එම නිවාස වලින් තාවකාලිකව ඉවත්වීමට කටයුතු කරන ලෙසයි ඒ මහතා එම ජනතාවගෙන් ඉල්ලා සිටින්නේ. මේ අතර නායයාම් නිවේදන පිළිබඳ දැඩි අවධානයක් යොමු කළ යුතු බව ආපධා කලමණාකරණ මධ්‍යස්ථානයේ නියෝජ්‍ය අධ්‍යක්ෂ…

අ.පො.ස. උසස් පෙළ සඳහා තොරතුරු හා සන්නිවේදන තාක්ෂණය විෂයයක් ලෙස හදාරන ශිෂ්‍ය ශිෂ්‍යාවන් වෙනුවෙන් 2024 සහ 2025 සඳහා පිරිනැමෙන ශිෂ්‍යත්ව වැඩසටහන සඳහා අයදුම්පත් භාර ගැනීම ජුනි මස 07 වන දා දක්වා දීර්ඝ කර තිබෙනවා. මෙම වැඩසටහන ශ්‍රී ලංකා විදුලි සංදේශ නියාමන කොමිෂන් සභාව සහ ජනාධිපති අරමුදල ඒකාබද්ධව සිදු කරන බවයි ජනාධිපති මාධ්‍ය අංශය සඳහන් කළේ. මෙම ශිෂ්‍යත්වය සඳහා අයදුම් කරන ශිෂ්‍ය ශිෂ්‍යාවන් තම අයදුම්පත්‍රය නිසි පරිදි සම්පූර්ණ කර තම ප්‍රදේශයේ ග්‍රාම නිලධාරී හා ප්‍රාදේශීය ලේකම්ගේ නිර්දේශයද, පන්තිභාර ගුරුවරයාගේ, පාසලේ විදුහල්පතිගේ හා කලාප අධ්‍යක්ෂකගේ නිර්දේශය ලබා ගත යුතු වනවා. අනතුරුව එම අයදුම්පත් ලබන 07 වැනිදාට පෙර ලේකම්, ජනාධිපති අරමුදල, අංක 35,…