වාරිමාර්ග දෙපාර්තමේන්තුව සතුව පවතින ප්රධාන ජලාශ 30ක් සහ මධ්යම ප්රමාණයේ ජලාශ 39කට අධික ප්රමාණයක් මේ වන විටත් වාන් දමමින් පවතින බව වාරිමාර්ග අධ්යක්ෂ ජල කළමනාකරු ඉංජිනේරු එච්.පී.එස්.ඩී. හේරත් මහතා පවසනවා.
ඒ මහතා පැවසුවේ එම ජලාශ අතර අම්පාර දිස්ත්රික්කයේ සේනානායක සමුද්රය, අනුරාධපුර දිස්ත්රික්කයේ මහවිලච්චිය, මහකනදරාව, රාජාංගන ජලාශද, කුරුණෑගල දිස්ත්රික්කයේ දැදුරු ඔය, හම්බන්තොට දිස්ත්රික්කයේ ලුණුගම්වෙහෙර, බදුල්ල දිස්ත්රික්කයේ සොරබොර ජලාශයද පවතින බවයි.
එමෙන්ම රාජාංගන ජලාශයේ වාන් දොරටු විවෘත කිරීම තුළින් මේ වන විට තත්ත්පරයට ඝන අඩි 6476ක ජල ප්රමාණයක් නිකුත් කරමින් පවතිනවා.
අංගමුව ජලාශයේ වාන් දොරටු විවෘත කිරීම තුළින් තත්ත්පරයට ඝන අඩි 1164ක ජල ප්රමාණයක්ද කලා ඔය වෙත නිකුත් කරමින් පවතින බවත් ඒ මහතා සඳහන් කළා.
මෙම ජලාශවල වාන් දොරටු විවෘත කිරීම කර ඇතැත් නිකුත් කරන ජල ප්රමාණය අවම බැවින් එම ජලාශවල පහළ ප්රදේශවල ගංවතුර අවදානමන් නොමැති බවයි ඉංජිනේරුවරයා සඳහන් කළේ.
