මීගමුව බන්ධනාගාරය තුළ යළිත් ඇති වූ නොසන්සුන්කාරී තත්ත්වයක් හේතුවෙන් තුවාල ලැබූ 35 දෙනෙකු ප්රතිකාර සඳහා මීගමුව දිස්ත්රික් මහ රෝහලට ඇතුළත් කර ඇති බව වාර්තා වනවා.
එමෙන්ම මේ වන විට නොසන්සුන්තාවය හේතුවෙන් ආරක්ෂක නිළධාරීන් ඇතුලු පස්දෙනෙකු ජීවිතක්ෂයට පත්ව තිබෙනවා.
තත්ත්වය පාලනය කිරීම සඳහා පොලීසිය විසින් වෙඩි ප්රහාර කිහිපයක් ද එල්ල කර ඇති බවයි සඳහන් වන්නේ.
ඊයේ ඇතිවූ තත්ත්වයෙන් අනතුරුව අද පෙරවරුව වනවිට බන්ධනාගාරයේ තත්ත්වය පාලනය කර තිබුණද මේ වනවිට යළි එහි නොසන්සුන් තත්ත්වයක් නිර්මාණය වී තිබෙනවා.
මේ අතර මීගමුව බන්ධනාගාරයේ රැඳවියන් දෙපිරිසක් අතර ඇති වූ ගැටුම සම්බන්ධයෙන් විමර්ශනය කිරීම සදහා කමිටුවක් පත් කර තිබෙනවා.
බන්ධනාගාර කොමසාරිස් ජනාරාල්වරයා විසින් අදාළ විමර්ශන කමිටුව පත් කළ බවයි සදහන් වන්නේ.
මීගමුව බන්ධනාගාරයේ රැඳවියන් දෙපිරිසක් අතර ගැටුමක් හටගෙන තිබුණේ ඊයේ පස්වරුවේදීයී.
රක්ෂිත බන්ධනාගාරයේ සිටින රැඳවියන් පිරිසක් සහ දඩුවම් ලබා බන්ධනාගාරගත කර සිටින රැඳවියන් පිරිසක් අතර මෙම ගැටුම සිදුව ඇති බව පොලිසිය පැවසුවා.
ඉන් බරපතළ තුවාල ලැබූ රැදවූවන් දෙදෙනකු කොළඹ ජාතික රෝහල වෙත මාරුකර යැවූ බව ද සදහන්.
අනතුරුව බන්ධනාගාරයේ රැඳවියන් පිරිසක් එහි වහලයක් මත නැග විරෝධතාවය පළ කළ අතර ඉන් ඇදවැටී තවත් රැදවියන් සිව් දෙනෙකු පසුව රෝහල්ගත කෙරුණා.
මීගමුව බන්ධනාගාරයේ ඇති වූ උණුසුම් තත්ත්වය පාලනය කිරීම සදහා බන්ධනාගාර නිලධාරීන්, පොලිසිය, පොලිස් විශේෂ කාර්ය බලකාය සහ යුද හමුදාව යොදවා තිබූ අතර ඒ අවට ප්රදේශයේ ආරක්ෂාව තර කිරීමට ද කටයුතු කර තිබුණා.
