ලොකොමොටිව් ඔපරේටිං ඉංජිනියර්ස් සංගමයට අයත් දුම්රිය රියදුරන් ඊයේ මධ්‍යම රාත්‍රියේ ආරම්භ කළ වැඩවර්ජනය හේතුවෙන් දුම්රිය ගමන් වාර රැසක් අවලංගු කළ බව දුම්රිය නියෝජ්‍ය සමාන්‍යාධිකාරී එන්. ජේ. ඉදිපොළගේ මහතා මීට සුළු මොහොතකට පෙර දැනුම් දුන්නා.
පිට පළාත්වල සිට කොළඹට පැමිණෙන දුම්රිය නියමිත පරිදි ධාවනය කළ බවත් කොළඹින් පිටත් වීමට නියමිතව තිබූ දුම්රිය රැසක් අවලංගු කළ බවත් ඒ මහතා සඳහන් කළා.
එම අවලංගු කළ දුම්රිය අතරට කාර්යාල දුම්රිය රැසක්ද ඇතුලත් බව ඉඳිපොළගේ මහතා වැඩිදුරටත් කියා සිටියා.
