බංග්ලාදේශ මහ මැතිවරණය ව්යවස්ථාවට පටහැනි බවත්, එය අවලංගු කළ යුතු බවත් එරට හිටපු අග්රාමාත්ය ෂෙයික් හසීනා පවසනවා
පසුගිය සිසු අරගලයෙන් පසු ඊයේ පැවැත්වුනේ එරට පළමු මහ මැතිවරණයයි.
හිටපු අග්රාමාත්ය ෂෙයික් හසීනා නියෝජනය කරන අවාමි ලීගය පක්ෂයට පනවා ඇති තහනම හේතුවෙන් එම පක්ෂයට මැතිවරණ සඳහා ඉදිරිපත් වීමට නොහැකි වුනා.
ඉන්දියාවේ සිට මාධ්ය හමුවේ අදහස් දක්වමින් හසීනා පැවැසුවේ, තම පක්ෂය තහනම් කර ඇති බැවින් සහ ඡන්ද දායකයන් ඉතා අඩු ප්රතිශතයක් ඡන්ද පොළට යෑම හේතුවෙන් මැතිවරණය අවලංගු කළ යුතු බවයි.
බංග්ලාදේශ මැතිවරණ බලධාරින්ට අනුව, ඡන්දය ප්රකාශ කළ ප්රතිශතය සියයට 55 ක්.
එරට මැතිවරණ කොමිසම නිවේදනය කර තිබුණේ මිලියන 127 ක් ඡන්දය ප්රකාශ කිරීමට සුදුසුකම් ලබා සිටි බවයි.
මේ වන විට ප්රකාශිත ප්රතිපල අනුව බංග්ලාදේශ ජාතික පක්ෂය ඉදිරියෙන් පසුවන බව එරට මාධ්ය වාර්තා කර තිබෙනවා.
