ශ්‍රී ලංකා කණ්ඩායමේ පාකිස්ථානයේ සිදු කරන තරග සංචාරයේ කාලසටහන පාකිස්ථාන ක්‍රිකට් පාලක මණ්ඩලයට විසින් ප්‍රකාශයට පත්කර තිබෙනවා. එම තරගාවලිය සඳහා ටෙස්ට් තරග 02 ක්, ඔ20 තරග 03 ක් සහ එංගලන්ත කණ්ඩායම ද සමඟ පැවැත්වෙන තුන්කොන් එක්දින තරගාවලියක් ද ඇතුළත්. රාවල්පිණ්ඩි සහ සහ ලාහෝර් යන ක්‍රීඩාංගණවල සත්කාරකත්වයෙන් සමස්ත තරගාවලිය පැවැත්වීමට නියමිතයි. ඒ අනුව පළමු විස්සයි විස්ස තරගාවලිය ඔක්තෝම්බර් 09, ඔක්තෝම්බර් 11 සහ ඔක්තෝම්බර් 13 වැනිදා පැවැත්වෙනවා. තුන්කොන් එක්දින තරගාවලිය ඔක්තෝම්බර් මස 18 වැනිදා ආරම්භ වීමට නියමිත අතර එම තරගාවලියේ සමස්ත තරග 07ක් පැවැත්වීමට නියමිතයි. තුන්කොන් එක්දින තරගාවලියෙන් අනතුරව පාකිස්ථානය සහ ශ්‍රී ලංකාව අතර ටෙස්ට් තරගාවලිය ආරම්භ වනවා . එහි පළමු තරගය නොවැම්බර් මස 09 වැනිදා සිට 13 වැනිදා දක්වාත්, දෙවන තරගය නොවැම්බර් 17 වැනිදා සිට 21 වැනිදාත් පැවැත්වෙනවා
