ශ්රී ලංකා කණ්ඩායම කඩුළු 10න් පරාය කරමින් 8 වැනි වරටත් ආසියානු කුසලාන ක්රිකට් තරගාවලියක ශූරතාවය දිනා ගැනීමට ඉන්දීය කණ්ඩායම ඊයේ සමත් වුණා.
කොළඹ ආර්. ප්රේමදාස ක්රීඩාංගනයේ පැවැති අවසන් තරගයේ කාසියේ වාසිය දිනූ ශ්රී ලංකාව පළමුව පන්දුවට පහර දීමටයි තීරණය කළේ.
ඒ අනුව පන්දුවට පහරදුන් ශ්රී ලංකා කණ්ඩායමේ සියලු පිතිකරුවන් ලකුණු 50 කට දවා ගැනීමට ඉන්දීය පන්දු යවන්නන් සමත් වුණා.
ඒ, පන්දුවාර 15යි පන්දු 2 ක් පමණක් යොමු කරමින්.
කුසල් පෙරේරා පළමු පන්දුවාරයෙන්ම ලකුණු නොලබා දැවී ගියා. පැතුම් නිස්සංක ලකුණු දෙකකටත්, සධීර සමරවික්රම හා චරිත් අසලංක ද ලකුණු නොලබා සිටියදී දවා ගැනීමටත් ඉන්දීය පන්දු යවන්නන් සමත් වුණා. ධනංජය ද සිල්වා ලකුණු 4 යි. අනතුරුව නායක දසුන් ශානක ද ලකුණු නොලබා දැවී ගියා.
ඉනිමේ වැඩිම ලකුණුලාභියා වූ කුසල් මෙන්ඩිස් ලකුණු 17 ක් රැස් කළා. දුනිත් වෙල්ලාලගේ ලකුණු 8කට දැවී ගිය අතර, දුෂාන් හේමන්ත නොදැවී ලකුණු 13 ක් රැස් කළා.
සුපිරි පන්දු යැවීමක නිරත වූ මොහමඩ් සිරාජ් ලකුණු 21 කට කඩුලු 6 ක් දවා ගත්තා. හර්ඩික් පාන්ඩ්යා කඩුලු 3 ක් ද, ජස්ප්රිට් බුම්රා එක් කඩුල්ලක් ද බිද හෙලුවා.
පිළිතුරු ඉනිම ක්රීඩා කළ ඉන්දීය කණ්ඩාය පන්දුවාර 6යි එක් පන්දුවක් අවසානයේ කිසිදු කඩුල්ලක් නොදැවී ජයග්රාහී ඉලක්කය පසු කළා.
ෂුබ්මන් ගිල් නොදැවී ලකුණු 27 ක් හා ඉෂාන් කිෂන් නොදැවී ලකුණු 23 ක් රැස් කළා.
උණුසුම් පුවත්
- දයාසිරි ජයසේකර අපරාධ පරීක්ෂණ දෙපාර්තමේන්තුවට
- වාහන ආනයනයෙන් රුපියල් බිලියන 136ක ආදායමක්
- හොල්මන් මන්දිර නතර කරන ලෙස ඉල්ලීමක්
- හිටපු මුදල් අමාත්ය රවි කරුණානායක මහතාට එරෙහිව මහාධිකරණයේ පවරා ඇති නඩුව විභාගයට ගැනීමට ශ්රේෂ්ඨාධිකරණය නියම කරය
- පොකුරු සෞඛ්ය තොරතුරු පද්ධතිය දියත්කිරීම හෙට
- නවකවධ සිද්ධියට අත්අඩංගුවට ගත් සිව්දෙනා 16 දක්වා රිමාන්ඩ්
- දකුණු කොරියානු නව ජනාධිපති දිවුරුම් දෙයි
- ඉන්දියා – ශ්රී ලංකා සත්කාරකත්වයෙන් පැවැත්වෙන 2025 ලෝක කුසලාන කාන්තා ක්රිකට් තරගාවලියේ දින සහ ක්රීඩාංගණ පිළිබද නිවේදනයක්