වියලි කාලගුණයෙන් හතලිස් දහසකට ආසන්න පිරිසකට දැඩි පීඩා

දිවයින පුරා වියළි කාලගුණික තත්වය හේතුවෙන් දිස්ත්‍රික්ක තුනක ප්‍රාදේශීය ලේකම් කොට්ඨාස නවයකට අයත් පවුල් 12,182 ක් දැඩි බලපෑමට ලක්ව ඇති බව ජාතික ආපදා සහන සේවා මධ්‍යස්ථානය පවසනවා . ඒ අනුව වියළි කාලගුණික තත්වය හේතුවෙන් බලපෑමට ලක්ව ඇති පුද්ගලයින් සංඛ්‍යාව 39,019 ක්. එමෙන්ම පවුල් 3,478කට අයත් පුද්ගලයින් 12,212ක් දැඩි පානීය ජල අර්බුදයකට මුහුණ දී සිටින බවයි ජාතික ආපදා සහන සේවා මධ්‍යස්ථානය සදහන් කලේ . අම්පාර, මොනරාගල සහ බදුල්ල යන දිස්ත්‍රික්කවල ප්‍රාදේශීය ලේකම් කොට්ඨාස හතරක ජනතාව මෙලෙස පානීය ජල හිඟයෙන් දැඩි ලෙස පීඩාවට පත්ව සිටිනවා. පීඩාවට පත් ජනතාවට බාධාවකින් තොරව පානීය ජලය සැපයීම සඳහා අවශ්‍ය ප්‍රතිපාදන දිස්ත්‍රික් ලේකම්වරුන් හරහා අදාළ ප්‍රාදේශීය ලේකම්වරුන්ට
ලබා දීමට පියවර ගෙන ඇති බවයි එම මධ්‍යස්ථානය සදහන් කලේ.