ශ්‍රී ලංකා විදේශ සේවා නියුක්ති කාර්යාංශය මහා භාණ්ඩාගාරයට රුපියල් බිලියන තුනක් ලබා දුන්නා.
විෂය භාර අමාත්‍ය මනූෂ නානායක්කාර මහතා අතින් එම මුදල් ලබා දීම සිදු කෙරුණා.
විදේශ සේවා නියුක්ති කාර්යාංශය ඉතිහාසය පුරා මහා භාණ්ඩගාරය වෙත ලබා දී ඇති මුදල් ප්‍රමාණය රුපියල් මිලියන තුන්දහස් තුන්සිය අසූ දෙකක්.
මේ අනුව රුපියල් බිලියන තුනක් වැනි විශාල මුදලක් මෙලෙස එකවර ලබා දුන් පළමු අවස්ථාව මෙය බවයි අමාත්‍යවරයා සදහන් කරන්නේ.
මේ අතර ශ්‍රී ලංකා විදේශ සේවා නියුක්ති කාර්යංශය ක්‍රියාත්මක කරන පිළිකා රෝගීන්ට ඖෂධ සැපයීම වෙනුවෙන් පවතින විශේෂ ගිණුමට රුපියල් මිලියන 500 ක් හෙවත් රුපියල් කෝටි 50 ක් ලබාදීම ව්‍යාපෘතියේ පළමු තැන්පතුව ලෙස රුපියල් මිලියන 100 ක් හෙවත් රුපියල් කෝටි 10 ක් එම කාර්යංශය පසුගියදා පිරිනැමූ බවද අමාත්‍ය මනුෂ නානායක්කාර මහතා පෙන්වා දෙනවා.
මෙහිදී අදාල අරමුදලට අවශ්‍ය රුපියල් කෝටි 40 ක විදේශ රැකියා ක්ෂේත්‍රයට අදාල සියළුම පාර්ශවයන්ගේ දායකත්වය අපේක්ෂා කරන අතර එමගින් එම ව්‍යාපෘතියේ අරමුණ සාක්ෂාත් කරගැනීමේ හැකියාව පවතින බවත්, කාර්යාංශ සභාපති ඇතුළු කාර්යය මණ්ඩලයේ කැපවීමෙන් සම්පූර්ණ කිරීම අපේක්ෂාව බවයි ශ්‍රී ලංකා විදේශ සේවා නියුක්ති කාර්යාංශය සඳහන් කළේ.
