Project Management Institute (PMI) යනු ව්‍යාපෘති කළමනාකරණ වෘත්තිය ඉදිරියට ගෙන යාමට කැපවී සිටින ව්‍යාපෘති කළමනාකරණයේ ගෝලීය අධිකාරියයි. ලොව පුරා මිලියන 2.9 කට අධික වෘත්තිකයන්ගේ සාමාජිකත්වය සහිතව ව්‍යාපෘති, වැඩසටහන් සහ portfolio management සඳහා ප්‍රමුඛතම වෘත්තීය සංවිධානය ලෙස PMI පුළුල් ලෙස පිළිගැනේ.
1969 දී පිහිටුවන ලද PMI, ගෝලීය උපදේශනය, සහයෝගීතාවය, අධ්‍යාපනය සහ පර්යේෂණ හරහා ලොව පුරා සිටින වෘත්තිකයන්ට වටිනා සේවාවන් සපයයි. ගෝලීය වශයෙන් පිළිගත් ප්‍රමිතීන්, සහතික කිරීම්, සම්පත්, මෙවලම්, අධ්‍යයන පර්යේෂණ, ප්‍රකාශන, වෘත්තීය සංවර්ධන පාඨමාලා සහ ජාලකරණ අවස්ථා ලබා දීමෙන්, අපි වෘත්තීන්වල දියුණුව, ආයතනික සාර්ථකත්වය වැඩි දියුණු කිරීම සහ ව්‍යාපෘති කළමනාකරණ වෘත්තියේ තවදුරටත් වර්ධනය සඳහා දායක වෙමු.
PMI ආරම්භයේ සිටම ලොව පුරා ව්‍යාපෘති වෘත්තිකයන් වෙනුවෙන් පෙනී සිටී. ව්‍යාපෘති කළමනාකරණය මඟින් පුද්ගලයන්ට විවිධ කර්මාන්ත, භූගෝලීය ස්ථාන සහ ව්‍යාපෘති, වැඩසටහන්, හෝ portfolio සමඟ ඵලදායී ලෙස සන්නිවේදනය කිරීමට හැකියාව ලැබේ.
මෙම කළමනාකරණ ක්‍රියාවලිය හරහා සංවිධානවලට ගෝලීය වශයෙන් වාර්ෂිකව යටිතල පහසුකම් සහ ප්‍රාග්ධන ව්‍යාපෘති සඳහා ඩොලර් ට්‍රිලියන 12කට වඩා වැඩි ප්‍රමාණයක ආයෝජන කිරීමට සහ ප්‍රතිඵල අත්කර ගැනීමට මග පෙන්වයි.
2003 වසරේ සිට PMI හි ශ්‍රී ලංකා නියෝජනය සිදුකරන ලද්දේ Project Management Institute USA විසින් වන අතර PMI ශ්‍රී ලංකා නියෝජනය 2004, සැප්තැම්බර් මාසයේදී JAIC Hilton හිදී නිල වශයෙන් ආරම්භ කරන ලදි.
ආකර්ෂණීය සාමාජිකයින් සංඛ්‍යාව සහ ඔවුන්ගෙන් ලැබුණු ධනාත්මක ප්‍රතිචාරය නිසා 2005 ජනවාරි මාසයේදී PMI Colombo පරිච්ඡේදයට වරලත් තත්ත්වය අත්කර ගැනීමට හැකි විය. අපගේ ප්‍රධාන අරමුණ වන්නේ ව්‍යාපෘති, වැඩසටහන්, කළමනාකරණය සහ පරිපාලනය සඳහා වෘත්තිකයන් ශක්තිමත් කරමින් ශ්‍රී ලංකාවේ තිරසාර සංවර්ධනය ප්‍රවර්ධනය කිරීමයි.
රාජ්‍ය සහ පෞද්ගලික අංශයේ ආයතනවල ආයතනික සාර්ථකත්වයේ දී ව්‍යාපෘති කළමනාකරණය වැදගත්කම සාධකයක් බව දැනුවත් කිරීම සඳහා PMICSL ක්‍රියා කරයි. ශ්‍රී ලංකාවේ දැනට ව්‍යාපෘති කළමනාකරණ වෘත්තිකයන් ලෙස 6,712 කට ආසන්න පිරිසක් සේවය කරති.
PMI Sri Lanka, 2010 වසරේ සිට වාර්ෂික ව්‍යාපෘති කළමනාකරණ සමුළුව පවත්වයි. මෙම වසරේ දී පැවැත්වෙන්නේ 7 වැනි ව්‍යාපෘති කළමනාකරණ සමුළුවයි. එසේම, මෙම වසරේ ඉන්දියාව, ශ්‍රී ලංකාව සහ බංග්ලාදේශය ආවරණය වන කලාප 11 සඳහා කලාපීය ව්‍යාපෘති කළමනාකරණ සමුළුව 2024 (PMRC24) සඳහා සත්කාරකත්වය සපයන්නේ අප බවට සතුටින් ප්‍රකාශ කරමු. මෙවර කලාපීය සමුළුවේ තේමාව වන්නේ “Unifying Strategies and Leadership- Achieving Project Excellence” යන්නයි. මෙම සමුළුව 2024 මැයි 31 වන දින කොළඹ ගලදාරි හෝටලයේදී පැවැත්වීමට සැලසුම් කර ඇත.
මෙම සම්මන්ත්‍රණය ව්‍යාපෘති කළමනාකරණ වෘත්තිකයන්ට ජාලගත කිරීම, සාමූහිකව වැඩ කිරීම සහ ව්‍යාපෘති කළමනාකරණ න්‍යායන්, පුහුණුවීම් සහ තාක්‍ෂණයේ (PM සඳහා කෘතිම බුද්ධි මෙවලම් වැනි) වත්මන් ප්‍රවණතා පිළිබඳ ඔවුන්ගේ අවබෝධය පුළුල් කිරීමට වේදිකාවක් වනු ඇති අතර ක්ෂේත්‍රයේ ප්‍රවීණයන්ගෙන් දැනුම ලබා ගැනීමටද හැකි වේ. ඔවුන්ගේ ඉලක්කය වන්නේ කලාපීය ව්‍යාපෘති කළමනාකරණ විශේෂඥයින් සමඟ තොරතුරු හුවමාරු කර ගනිමින් වැඩසටහන්, ව්‍යාපෘති සහ portfolio management යන ක්ෂේත්‍රවල ඉහලට යාමට සෑම කෙනෙකුටම අවස්ථාවක් ඇති පරිසරයක් නිර්මාණය කිරීමයි.
ජාතික ව්‍යාපෘති කළමනාකරණ විශිෂ්ටතා (NPME) සම්මාන යනු ප්‍රශස්ත ලෙස ක්‍රියාත්මක කරන ලද ව්‍යාපෘති සහ ඒවායේ සාර්ථකත්වය පිටුපස සිටින ව්‍යාපෘති සහ වෘත්තිකයන් ඇගයීමට ලක්කිරීමේ සම්මාන උළෙලකි. ජාතික ව්‍යාපෘති කළමනාකරණ විශිෂ්ටතා (NPME) සම්මාන උළෙල, වාර්ෂික සම්මන්ත්‍රණය සමඟින් පවත්වනු ලබන වැදගත්ම අවස්තාවන් වලින් එකකි.
2024 NPME සම්මාන මගින් ව්‍යාපෘති කළමනාකරණ ක්ෂේත්‍රයට සහ PMI ප්‍රජාවට වටිනා දායකත්වයක් ලබා දී ඇති ව්‍යාපෘති කණ්ඩායම් සහ සංවිධාන වෙත ඔවුන්ගේ සුවිශේෂී කාර්ය සාධනය සහ වෘත්තීයභාවය ප්‍රදර්ශනය කිරීම වෙනුවෙන් කෘතඥතාව පළ කිරීම සිදු කෙරේ.
සම්මාන උළෙලේ තවත් අරමුණක් වන්නේ තොරතුරු තාක්ෂණ, ඉදිකිරීම්, ඉංජිනේරු, සෞඛ්‍ය සේවා, අධ්‍යාපනය සහ සමාජ සංවර්ධනය ඇතුළු බොහෝ ක්ෂේත්‍ර සහ අංශ හරහා ව්‍යාපෘති කළමනාකරණයේ සුවිශේෂී ගුණාත්මක භාවය සහ ප්‍රභවය ප්‍රදර්ශනය කිරීමයි. තවද, මෙම මුලපිරීම මගින් ශ්‍රී ලංකාවේ ව්‍යාපෘති කළමනාකරණයේ ප්‍රමුඛතම අධිකාරිය ලෙස PMI කොළඹ පරිච්ඡේදයේ සහ එහි සාමාජිකයින්ගේ ප්‍රවේශ්‍යතාව සහ කීර්තිය වැඩිදියුණු කරනු ඇති අතරම වර්තමාන සහ අනාගත ව්‍යාපෘති කළමනාකරුවන් ඔවුන්ගේ සුවිශේෂී කාර්ය සාධනය සහ අඛණ්ඩ වැඩිදියුණු කිරීම් වෙනුවෙන් දිරිමත් කරයි.
ව්‍යාපෘති කළමනාකරණ ආයතනයේ ශ්‍රී ලංකා නියෝජනය විසින් ජාතික ව්‍යාපෘති කළමනාකරණ විශිෂ්ටතා සම්මාන උළෙල (National Project Management Excellence Awards) සහ 2024 ව්‍යාපෘති කළමනාකරණ කලාපීය සමුළුවට (Project Management Regional Conference 2024) සහභාගී වීමට සියලුම ව්‍යාපෘති පාර්ශවකරුවන්ට ආරාධනා කරයි.
