රෝහල් පද්ධතියෙ හි භෞතික සම්පත් ඉහළ නැංවීමට අති නවීන තාක්ෂණයෙන් යුත් ගිලන් රථ 20 ක් රජයේ රෝහල් වෙත බෙදා දීම සිදු කෙරුණා .
ඒ සෞඛ්ය හා ජනමාධ්ය අමාත්යාංශ පරිශ්රයේ දී අමාත්ය වෛද්ය නලින්ද ජයතිස්ස මහතාගේ ප්රධානත්වයෙන්
මෙරට ජනතාවට ගුණාත්මක සහ විශිෂ්ට සෞඛ්ය සේවාවක් ලබා දීම ප්රමුඛ අරමුණ කර ගනිමින් මෙම ව්යාපෘතිය ක්රියාත්මකයි.
ආසියානු සංවර්ධන බැංකුවේ මූල්ය දායකත්වය මත සෞඛ්ය පද්ධති වැඩිදියුණු කිරීමේ ව්යාපෘතියේ අනුග්රහයෙන් මධ්යම රජයේ සහ පළාත් සභාව යටතේ පාලනය වන රෝහල් සඳහා බෙදාදෙන ලද මෙම එක් ගිලන් රථයක වටිනාකම රුපියල් ලක්ෂ 257කට අධික වන බවයි සඳහන් වන්නේ .
මෙම නව ගිලන් රථ තුළ අති නවීන පහසුකම් රැසක් පවතින අතර රෝගීයා වෙනත් රෝහලක් කරා ගෙනයන අතරතුර ද ප්රතිකාර රැසක් එමඟින් සිදු කිරීමේ හැකියාව පවතිනවා .
ඇඹිලිපිටිය, නාවලපිටිය, මාතලේ, මීගමුව, ත්රිකුණාමලය, නුවරඑළිය, හලාවත, මොණරාගල, දඹුල්ල, හොරණ, යන දිස්ත්රික් මහ රෝහල් දහය සඳහා ද පොළොන්නරුව, මඩකළපුව, බදුල්ල, අනුරාධපුර යන ශික්ෂණ රෝහල් සඳහා ද පොතුවිල්, කන්තලේ, අක්කරෙයිපත්තුව, දෙහිඅත්තකන්ඩිය, යන මූලික රෝහල් සඳහා ද අම්පාර මහ රෝහලට සහ සීගිරිය රෝහලට ද මෙම අති නවීන ගිලන් රථ 20 බෙදා දී තිබෙනවා .
මෙරට මධ්යම රජයේ සහ පළාත් සභාව යටතේ පාලනය වන රෝහල් පද්ධතියට අවශ්යවන ගිලන්රථ අවශ්යතාවය පරිදි ඉදිරි කාලය තුළ දී අදියරෙන් අදියර ලබා දීමට කටයුතු කරන බවයි අමාත්යවරයා සදහන් කලේ .
