ශ්‍රී ලංකාවේ 10 වැනි පාර්ලිමේන්තුව සඳහා සභිකයින් තෝරා පත්කර ගැනීමේ ඡන්ද විමසීම අද පැවැත්වෙයි.
උදෑසන 7 ට ආරම්භ වන ඡන්ද විමසීම අවසන් වන්නේ, පස්වරු 4 ටයි.
මධ්‍යස්ථාන, 13,421 කදී ඡන්ද විමසීම පැවැත්වෙයි.
ඒ සඳහා සුදුසුකම් ලබා සිටින ඡන්ද දායකයින් සංඛ්‍යාව, එක් කෝටි 71 ලක්ෂ 40,354 කි.
ඉන්, වැඩිම ඡන්ද දායකයින් පිරිසක් සිටින්නේ, ගම්පහ මැතිවරණ දිස්ත්‍රික්කයේ ය.
එම සංඛ්‍යාව, 18 ලක්ෂ 81,129 කි.
මන්නාරම, මෙවර අඩුම ඡන්දදායකයින් සහිත දිස්ත්‍රික්කයයි.
එම දිස්ත්‍රික්කයේ ඡන්ද දායකයින් 91 607 ක්, ඡන්දය ප්‍රකාශ කිරීම සඳහා සුදුසුකම් ලබා සිටී.
මෙරට පාර්ලිමේන්තුව, සභික ධුර 225 කින් සමන්විතයි.
