ඉරානය විසින් එල්ල කරනු ලබන ප්රහාර දිගින් දිගටම එල්ල කරන බවත් මෙම ප්රහාරයන් සඳහා ඩ්රෝන යානා සහ මිසයිල භාවිත කරමින් මැදපෙරදිග පුරා විවිධ ස්ථානවලට පහර දෙන බවත් විදෙස් මාධ්ය වාර්තා කරනවා.
එසේම පළමුවරට අසර්බයිජානයට පහරදී ඇති බවට විදෙස් මාධ්ය කියා සිටිනවා.
එම ප්රහාරය සඳහා ඉරානය ඩ්රෝන යානා දෙකක් යොදාගෙන ඇති බවද විදෙස් පුවත් සේවා වාර්තා කරනවා.
අර්බයිජානයට එල්ල ව්ර ඩ්රෝන ප්රහාරවලින් පුද්ගලයින් දෙදෙනෙක් තුවාල ලබා ඇති බවත් ගුවන් තොටුපොළ පර්යන්ත ගොඩනැගිල්ලකට හානි සිදුව ඇත ිබව්ත වාර්තා වනවා.
අසර්බයිජාන බලධාරීන් ප්රහාරයට ඉරානයට දොස් පැවරුවද එරට සන්නද්ධ හමුදා ඩ්රෝන යානා දියත් කිරීම ප්රතික්ෂේප කර තිබෙනවා.
එම සිදුවීම ඊශ්රායලයේ ව්යාජ මෙහෙයුමක් විය හැකි බවටයි අසර්බයිජාන ආරක්ෂක පවසන්නේ.
මේ අතර අබුඩාබි වෙත එල්ල වූ ඉරාන ප්රහාරයකින් පකිස්තාන සහ නේපාල ජාතිකයන් හය දෙනෙක් තුවාල ලබා ඇති බව එමිරේට්ස් මාධ්ය කාර්යාලය පවසනවා.
කටාර් ගුවන් ආරක්ෂක පද්ධතිය දෝහා අගනුවරට ඉහළින් ඉරාන මිසයිල අල්ලා ගෙන ඇති බවටද වාර්තා වනවා.
එලෙස ඇති වූ පිපිරීම් නගරය පුරා සිදුව ඇති බවත් ගොඩනැගිලි දෙදරුම් කෑ බවත් සී.එන්.එන්. මාධ්යවේදීන් වාර්තාකර තිබෙනවා.
ඉරානය විසින් ඊශ්රායලයට තවදුරටත් ප්රහාර එල්ල කරමින් සිටින අතර ටෙල් අවිවි හි නැගෙනහිර පිහිටි බැරෙකට් වෙත මිසයිල ප්රහාරයක් එල්ල කර තිබෙනවා.
එසේම ඊශ්රායලයේ ගුරියන් ගුවන් තොටුපොළටද මිසයිල දියත් කර තිබෙනවා.
මේ අතර ඉරාන රාජ්ය මාධ්ය වාර්තා කරන්නේ ටෙහෙරානයේ ප්රසිද්ධ අසාඩි ක්රීඩා සංකීර්ණයට අමෙරිකානු ඊශ්රායල් ප්රහාරයක් එල්ල වී ඇති බවයි.
මෙම ක්රීඩා සංකීර්ණය ප්රධාන වශයෙන් වොලිබෝල්, මල්ලවපොර සහ ෆුට්සල් යන ක්රීඩා සඳහා යොදාගැනෙන බවත් ප්රහාරය 12000ක පමණ ධාරිතාවයකින් යුතු ශාලාවට එල්ල වී ඇති බවත් විදෙස් මාධ්ය වාර්තා කරනවා.
ටෙහෙරානයේ පර්සෙපොලිස් පාපන්දු සමාජය ප්රහාරයට හෙළි දකිමින් නිවේදනයක් නිකුත් කරමින් පවසන්නේ ක්රීඩා ස්ථාන සාමය සහ සාධාරණත්වය සංඛේවත් කරන බවයි.
මැද පෙරදිග පැවැති පළමු ආසියානු ක්රීඩා උළෙල වූ 1974 ආසියානු ක්රීඩා උළෙල සඳහා ඉරාන ගෘහ නිර්මාණ සමාගමක් වන ඒ.එෆ්.එෆ්.ඒ. විසින් මෙම ක්රීඩාං සංකීර්ණය ඉදිකර තිබෙනවා.
