පසුගිය පැය 24 තුළ ලොවපුරා ස්ථාන 32ක භූ කම්පන තත්ත්වයන් වාර්තා වී තිබෙනවා.
අමෙරිකානු භූ විද්‍යා සමීක්ෂණ වෙබ් අඩවිය පවසන්නේ එම භූ කම්පන මැග්නිටියුඩ් ඒකක 2.5ට වැඩි ප්‍රබලත්වයෙන් යුත් ඒවා බවයි.
එම භූ කම්පන අතුරින් මැග්නිටියුඩ් ඒකක 6.1 ක වැඩිම ප්‍රබලත්වයෙන් යුත් භූ කම්පනය පිලිපීනයෙන් වාර්තා වනවා.
ඉන් සිදු වූ දේපොළ හෝ ජීවිත හානි පිළිබඳ මෙතෙක් වාර්තා වී නැහැ.
මේ අතර මැග්නිටියුඩ් ඒකක 5ට වැඩි ප්‍රබලත්වයෙන් යුත් භූ කම්පන වාර්තාවන්නේ, නවසීලන්තය, ඇලස්කා, කොලොම්බියා, ටොංගා, බොල්වියා, ඇතුළු රටවල් කිහිපයක් ආශ්‍රිතවයි.
දරුණු ඛේදවාචකයට මුහුණ දුන් තුර්කියෙන් ද පසුගිය පැය 24 තුළ මැග්නිටියුඩ් ඒකක 4.6 ක භූ කම්පනයක් වාර්තා වුණා.
මේ අතර ශ්‍රී ලංකාවේ බුත්තල ප්‍රදේශයෙන් ද භූ චලන 2ක් හදුනාගත් අතර ඒවා එතරම් බිය විය යුතු තත්වයක පසුවන භූ චලන නොවන බවටයි විශ්ලේෂකයින් විසින් අවධාරණය කළේ.
