තායිලන්තයෙන් පැවති අන්තර්ජාතික ජූඩෝ තරගාවලියට ශ්රී ලංකාව නියෝජනය කරමින් සහභාගී වී රන් පදක්කමක් , රිදී පදක්කම් 04 ක් සහ ලෝකඩ පදක්කම් 04 ක් දිනා ගත් ශ්රී ලාංකික ජූඩෝ කණ්ඩායම 09/24 දින රාත්රී කටුනායක ගුවන් තොටුපොළ වෙත පැමිණියහ .
මෙම තරගාවලියේ දී ශ්රී ලංකාව නියෝජනය කළ ආර්.සී.එන්.ධර්මවර්ධන ක්රීඩකයා කිලෝ ග්රෑම් 73 බර පංතිය යටතේ තරග කරමින් රන් පදක්කම දිනා ගැනීමට සමත් වී තිබුණි . ඔහු ශ්රී ලංකා ගුවන් හමුදාව නියෝජනය කරන ක්රීඩකයෙකි . මෙම තරගාවලිය තායිලන්තයේ ඉකුත් 09/21 දින සිට 09/23 දින දක්වා ලෝකයේ රටවල් 15 කට අධික සංඛ්යාවකගේ සහභාගීත්වයෙන් පවත්වා තිබුණි .
මෙම පදක්කම් දිනූ ශ්රී ලාංකික ජූඩෝ ක්රීඩකයින් පිරිස 09/24 දින රාත්රී 10.10 ට තායිලන්තයේ බැංකොක් නුවර සිට තායි එයාර් ඒෂියා ගුවන් සේවයේ එෆ්.ඩී.- 140 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි
ඔවුන් පිළිගැනීම සදහා ශ්රී ලංකා ජූඩෝ සංගමයේ නිලධාරීන් , ශ්රී ලංකා ගුවන් හමුදා නිලධාරීන් සහ මෙම ක්රීඩක ක්රීඩිකාවන්ගේ දෙමාපියන් නෑදෑ හිතවතුන් විශාල පිරිසක් කටුනායක ගුවන් තොටුපොළ වෙත පැමිණ සිටියහ .
