හිටපු අමාත්ය මර්වින් සිල්වා පසුගිය 2010 වසරේ සිට 2012 වසර දක්වා කාල සීමාව තුළ අමාත්යවරයෙකු වශයෙන් කටයුතු කළ අවදියේ අයථා ලෙස වත්කම් අත්පත් කරගත් බවට අල්ලස් කොමිසම විසින් ගොනුකර තිබෙන නඩුව එළඹෙන සැප්තැම්බර් මස (24) වනදා කැඳවන ලෙස කොළඹ මහාධිකරණය අද (28) දින නියම කළා.
මර්වින් සිල්වා අමාත්යවරයෙකු වශයෙන් කටයුතු කරමින් සිය නීත්යානුකූල ආදායම අභිබවා රුපියල් මිලියන 150 කට ආසන්න වටිනාකමකින් යුත් දේපොළ අයථා ලෙස අත්පත් කර ගැනීම තුළින් දූෂණ විරෝධී පනත යටතේ වරදක් සිදු කළ බවට චෝදනා කරමින් අල්ලස් කොමිසම විසින් මෙම නඩුව ගොනු කර තිබෙනවා.
මෙම නඩුව අද (28) කොළඹ මහාධිකරණ විනිසුරු සහන් මාපා බණ්ඩාර මහතා ඉදිරියේ කැඳවනු ලැබුවා.
