කිසියම් අයෙකුගේ හෝ පුද්ගලයන් පිරිසකගේ පහරදීමකට ලක්වීමෙන් තුවාල ලබා සිටියදී කොළඹ ජාතික රෝහලට ඇතුළත් කරන ලද පුද්ගලයෙකු ජීවිතක්ෂයට පත්ව තිබෙනවා.
පොලිසිය කියා සිටියේ ඊයේ(28) රාත්‍රී ග්‍රෑන්ඩ්පාස්, හේනමුල්ල කඳවුර ප්‍රදේශයේ පදිංචි පුද්ගලයෙකු තුවාල සහිතව මෙලෙස කොළඹ ජාතික රෝහලට ඇතුළත් කර තිබෙනවා.
කෙසේ වෙතත් රෝහල් ගත කරන ලද එම පුද්ගලයා අද(29) අලුයම් කාලයේදී මියගොස් ඇති බවයි රෝහල් පොලිසිය පවසන්නේ.
මෙලෙස මියගොස් ඇත්තේ වයස අවුරුදු 65ක් පමණ වූ හේනමුල්ල කඳවුර කොළඹ 15 ප්‍රදේශයේ පදිංචිකරුවෙකි.
මරණකරුට පහරදීමක් හේතුවෙන් සිදු වූ තුවාල මත මෙම මරණය සිදුව ඇති බව දැනට සිදු කරන ලද විමර්ශනවලදී අනාවරණ වී ඇති බවද පොලිසිය කියා සිටියා.
අපරාධයට සම්බන්ධ සැකකරුවන් අත්අඩංගුවට ගැනීම සඳහා ග්‍රෑන්ඩ්පාස් පොලිසිය විසින් වැඩිදුර විමර්ශන සිදු කරනු ලබනවා.
