රාජ්ය අමාත්ය ඩයනා ගමගේ මහත්මියගේ පුරවැසිභාවයට අදාළ කරුණු කිහිපයක් සම්බන්ධයෙන් ආගමන විගමන පාලකවරයාගෙන් මෙන්ම පුද්ගලයින් ලියාපදිංචි කිරීමේ කොමසාරිස්වරයාගෙන් ප්රකාශ සටහන් කරගෙන ඉදිරිපත් කරන ලෙස අධිකරණය අපරාධ පරීක්ෂණ දෙපාර්තුමේන්තුවට නියෝග කර තිබෙනවා.
කොළඹ ප්රධාන මහේස්ත්රාත් ප්රසන්න ද අල්විස් මහතා විසින් මෙම නියෝගය නිකුත් කරනු ලැබුවා.
අපරාධ පරීක්ෂණ දෙපාර්තමේන්තුව සහ අගතියට පත් පාර්ශ්වයේ නීතිඥවරුන් ඉදිරිපත් කළ කරුණු සලකා බැලීමෙන් අනතුරුව මහේස්ත්රාත්වරයා මෙම නියෝගය සිදුකර ඇති බව සඳහන්.
එම ප්රකාශ ලැබීමෙන් අනතුරුව ඩයනා ගමගේ මහත්මිය අත්අඩංගුවට ගැනීම සදහා නියෝගයක් නිකුත් කරන්නැයි අගතියට පත් පාර්ශ්වයේ නීතිඥවරුන් ඉදිරිපත් කළ ඉල්ලීම සලකා බැලිය හැකිද නැද්ද යන්න තීරණය කරන බවයි මහේස්ත්රාත්වරයා සඳහන් කර ඇත්තේ.
අනතුරුව පැමිණිල්ල ලබන 6 වනදා කැදවන ලෙසට අධිකරණය නියෝග කර තිබෙනවා.
