2024 වර්ෂය සදහා වන විසර්ජන පනත් කෙටුම්පතේ ජනාධිපතිවරයාගේ වැය ශීර්ෂය ඊයේ පාර්ලිමේන්තුවේදී වැඩි ඡන්දයෙන් සම්මත වුණා.
කාරක සභා අවස්ථාවේ පළමු දිනය වු ඊයේ ජනාධිපතිවරයාගේ වැය ශීර්ෂයට විවාදයට ගනු ලැබුවා.
කාරක සභා අවස්ථා විවාදයෙන් පසුව ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක මහතා විසින් ඊට අදාළව ඡන්ද විමසීමක් ඉල්ලා සිටියා.
ඒ අනුව පැවැති ඡන්ද විමසීමේදී ජනාධිපතිවරයාගේ වැය ශීර්ෂයට පක්ෂව ඡන්ද 62ක් හිමිවු අතර විපක්ෂව හිමිවුයේ ඡන්ද 03ක් පමණයි.
අයවැය මගින් හිටපු ජනාධිපතිවරුන් සදහා මුදල් වෙන් කිරීමට ජාතික ජන බලවේගයේ නායක අනුර කුමාර දිසානායක මහතා විරෝධය පලකළා.
