ආනයනික කිරිපිටි මිල අඩු කිරීමත් සමග කිරි තේ එකක මිල රුපියල් 5 – 10 ත් අතර අගයකින් අඩු කිරීමට සමස්ත ලංකා ආපනශාලා හිමියන්ගේ සංගමය සහ අවන්හල් හිමියන්ගේ සංගමය පවසනවා.
ඊයේ මධ්‍යම රාත්‍රියේ සිට ක්‍රියාත්මක වන පරිදි රුපියල් 2900 ත් 3100 ත් අතර මිලකට අලෙවි වන ආනයනික කිරිපිටි කිලෝවක මිල රුපියල් 150 කින් අඩු කිරීමටයි වෙළද අමාත්‍ය නලින් ප්‍රනාන්දු මහතා කටයුතු කළේ.
ඒ අනුව 1000 ත් 1200 ත් අතර මිලකට අලෙවි වන ග්‍රෑම් 400 යේ ආනයනික කිරිපිටි පැකට්ටුවක මිලද රුපියල් 60 කින් අඩු කිරීමට වෙළද අමාත්‍යවරයා තීරණය කළා.
මේ පිළිබදව සලකා බලමිනුයි සමස්ථ ලංකා ආපනශාලා සහ අවන්හල් හිමියන්ගේ සංගමය අදාළ තීරණයට එළඹී ඇත්තේ.
