කාම්භෝජයයේ 11 හැවිරිදි දැරියක් කුරුළු උණ රෝගයෙන් මියගිය බව සෞඛ්‍ය බලධාරීන් තහවුරු කර තිබෙනවා.
එම දැරියට ්‍ය5 භ1 කුරුළු උණ වෛරසය වැළඳී ඇති බවයි සෞඛ්‍ය බලධාරීන් අනාවරණය කර සිටියේ.
ඇය සතියකට පෙර දැඩි උණ, කැස්ස සහ උගුරේ අමාරුව වැනි රෝග ලක්ෂණ පෙළුණු බව සඳහන්.
වසර නවයකට පසු පළමු වරට කාම්බෝජයෙන් වාර්තා වූ පළමු කුරුළු උණ ආසාදිත මරණය මෙය බවයි වාර්තා වන්නේ.
කාම්බෝජයේ සෞඛ්‍ය අමාත්‍යාංශය පැවසුවේ මෙම දැරියගේ පියා ද ඇතුළුව තවත් 11 දෙනෙකුට කුරුළු උණ වෛරසය ආසාදනය වී ඇති බවයි.
කුරුළු උණ ආසාදනය වී මියගිය එම දැරියගේ ගම අසලින් මියගිය කුරුල්ලන් කිහිප දෙනෙකුගේ සාම්පල නිලධාරීන් විසින් එක් රැස් කර තිබෙනවා.
මියගිය හෝ අසනීප වූ පක්ෂීන් ස්පර්ශ කිරීමෙන් වළකින ලෙසයි සෞඛ්‍ය නිලධාරීන් විසින් ජනතාවට දැනුම් දී ඇත්තේ.
කාම්බෝජය අවසන් වරට කුරුළු උණ රෝගයක් වාර්තා කර ඇත්තේ 2014 වසරේදීය.
ඊට පෙර දශකය තුළ H5 N1 ආසාදිතයන් 56ක් වාර්තා වූ අතර ඉන් 37 දෙනෙකු ජිවිතක්ෂයට පත්වුනා.
මිනිසුන්ට කුරුළු උණ ඇතිවීම දුර්ලභ වුවත් වෛරසය ආසාදිත කුකුළුන් ඇතුළු පක්ෂීන් සමඟ වැඩ කරන පුද්ගලයින්ට එය ආසාදනය වීමේ වැඩි අවදානමක් පවතිනවා.
