පවතින අයහපත් කාලගුණ තත්ත්වය හේතුවෙන් අද , හෙට සහ අනිද්දා යන දිනවල උසස් පෙළ විභාගය නොපැවැත්වීමට තීරණය කර තිබෙනවා.
විභාග දෙපාර්තමේන්තුව සදහන් කලේ එළඹෙන සෙනසුරාදා එනම් නොවැම්බර් මස 30 වන දා විභාගය සුපුරුදු පරිදි පැවැත්වෙන බවයි.
කාලසටහනේ එදිනට නියමිත විෂයට අදාළව එම විභාගය පැවැත්වෙනු ඇති බව එම දෙපාර්තමේන්තුව පැවසුවා .
විභාගය නොපැවැත්වෙන 27, 28 සහ 29 යන දින තුනට අදාළ විෂයන්වල ප්රශ්න පත්ර යළි සිසුන්ට ලබා දීමේ දිනයද විභාග දෙපාර්තමේන්තුව ප්රකාශයට පත් කර තිබෙනවා .
ඒ අනුව දෙසැම්බර් මස 21, 22 සහ 23 යන දිනවල දී අදාළ විෂයන්වල ප්රශ්න පත්ර යළි සිසුන්ට ලබා දීමට නියමිතයි.
