ඊශ්රායලයේ සාත්තු සේවා රැකියා වරම් ලැබූ ශ්රි ලාංකිකයින් දොලොස් දෙනෙකු සඳහා ගුවන් ටිකට්පත් ප්රදානය කිරීම කම්කරු හා විදේශ රැකියා අමාත්ය මනුෂ නානායක්කාර මහතාගේ ප්රධානත්වයෙන් 2023.06.16 දින කම්කරු හා විදේශ රැකියා අමාත්යාංශයේදී සිදුකරනු ලැබුවා.
එම කණ්ඩායම ඊශ්රායලයේ රැකියා හිමිවූ 61 වන ශ්රමික කණ්ඩායම වන අතර එම පිරිස 2023.06.20 දින ඊශ්රායලය බලා පිටත්ව යාමට නියමිතව තිබෙනවා.
ශ්රී ලංකා විදේශ සේවා නියුක්ති කාර්යාංශය සහ ඊශ්රායලයේ ජනගහන හා සංක්රමණ අධිකාරිය අතර 2020 වසරේ ඇතිකර ගත් ගිවිසුම ප්රකාරව ශ්රි ලාංකිකයින්ට ඊශ්රායලයේ සාත්තු සේවා රැකියා අවස්ථා හිමිවන අතර 2022 අප්රේල් 28 දින සිට මේ දක්වා ශ්රී ලාංකික 384 ක් සඳහා ඊශ්රායලයේ සාත්තු සේවා ක්ෂේත්රයේ රැකියා වරම් හිමිව තිබෙනවා.
ඊශ්රායල් රජය හා ශ්රි ලංකා රජය අතර ඇති කරගන්නා ලද අවබෝධතා ගිවිසුම අනුව ශ්රි ලංකා විදේශ සේවා නියුක්ති කාර්යාංශය මගින් පමණක් ඊශ්රායලයේ සාත්තු සේවා රැකියා ශ්රි ලාංකිකයින්ට හිමිවන අතර, ඊශ්රායලයේ රැකියා ලබාගැනීම සඳහා කිසිඳු බාහිර පුද්ගලයෙකුට මුදල් හෝ ගමන් බලපත්රය ලබාදීමෙන් වලකින ලෙස ශ්රි ලංකා විදේශ සේවා නියුක්ති කාර්යාංශය මහජනතාවගෙන් ඉල්ලා සිටිනවා.
