එළඹෙන අලුත් අවුරුදු සමය වෙනුවෙන් ඉන්ධන කෝටාව ඉහළ දැමීමට රජය තීරණය කර තිබෙනවා.
ජනාධිපති මාධ්ය අංශය විසින් නිවේදනයක් නිකුත් කරමින් සදහන් කළේ අද මධ්යම රාත්රියේ සිට ක්රියාත්මක වන පරිදි ඉන්ධන කෝටාව ඉහළ දමන බවයි.
මීට පෙර සැලසුම් කළ ලෙස වැඩිවන ඉන්ධන කෝටාවට අවශ්ය තරම් ඉන්ධන ඇණවුම් කර ඇති බැවින් මේ වන විට ඛනිජ තෙල් නීතිගත සංස්ථාව සතුව ප්රමාණවත් ඉන්ධන පවතින බවද ජනාධිපති මාධ්ය අංශය අදාළ නිවේදනයෙන් වැඩිදුරටත් කියා සිටියා.
මේ අතර විශේෂ ත්රිරෝද රථ සදහා ලබා දෙන ලද ලීටර් 10 ක ඉන්ධන කෝටාව ලීටර් 15 දක්වාද, සාමාන්ය ත්රීරෝද රථ සදහා ලබාදෙන ලීටර් 5 ක ඉන්ධන කෝටාව ලීටර් 8 දක්වා ද, යතුරු පැදි සදහා ලබා දෙන ලද ලීටර් 4 ක ඉන්ධන කෝටාව ලීටර් 7 ක් ලෙස ද වැඩි කර තිබෙනවා.
එමෙන්ම බස් රථ සදහා ලබා දෙන ලද ලීටර් 40 ක ඉන්ධන කෝටාව ලිටර් 60 ක් දක්වාද, මෝටර් රථ සදහා ලබා දෙන ලද ලීටර් 20 ක ඉන්ධන කෝටාව ලීටර් 30 ක් වශයෙන් ලබා දීමට කටයුතු කරනු ඇති බවටයි වාර්තා වන්නේ.
