විස්සයි විස්ස ලෝක කුසලාන ක්රිකට් තරගාවලියේ ඉන්දියාව සහ පාකිස්ථානය අතර තරගයේ පළමුවෙන් පන්දුවට පහර දුන් ඉන්දීය ක්රිකට් කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 175ක් ලබාගැනීමට සමත් වූවා.
තරගයේ කාසියේ වාසිය දිනාගත් පාකිස්තාන් ක්රිකට් කණ්ඩායම පළමුවෙන් පන්දු යැවීමට තීරණය කළා.
ඒ අනුව පන්දුවට පහරදීමට පිටියට පැමිණි ඉන්දීය කණ්ඩායම ආරම්භක පිතිකරු යුවලේ ඉශන් කිෂන් පන්දු 40කදී ලකුණු 77ක් ලබාගනිමින් ප්රවේගකාරී ආරම්භයක් ලබාගත්තා.
ඊට හතරේ පහර 10ක් සහ හයේ පහර 3ක් ඇතුළත්.
කෙසේ වෙතත් ඔහුගේ දැවී යාමෙන් අනතුරුව ඉන්දීය ඉනිමේ ලකුණු ලබාගැනීමේ වේගය අඩාල වූවා.
ඉන්දීය කණ්ඩායම වෙනුවෙන් නායක සූර්යකුමාර් යාදෙව් ලකුණු 32ක්ද ශිවම් ඩුබේ ලකුණු 27ක්ද ලබාගත්තා.
එසේම තිලක් වර්මා ලකුණු 25ක්ද නොදැවී පන්දුවට පහර දුන් රින්කු සිං ලකුණු 11ක්ද ලබාගත්තා.
පන්දු යැවීමේදී පාකිස්තානු ක්රිකට් කණ්ඩායම වෙනුවෙන් සයිම් අයුබ් කඩුලු තුනක් දවා ගැනීමට සමත් වූ අතර සල්මන් ආගා, සහීන් සා අෆ්රිඩි සහ උස්මාන් තරික් එක් කඩුල්ල බැගින් දවා ගැනීමට සමත් වූවා.
තරගය ජයග්රහණය සඳහා පාකිස්තානු ක්රිකට් කණ්ඩායම ලකුණු 176ක් නියමිත පන්දුවාර 20 තුළදී ලබාගත යුතු වනවා.
තරගය කොළඹ ආර්. ප්රේමදාස ජාත්යන්තර ක්රිකට් ක්රීඩාංගණයේදී දැන් පැවැත්වෙනවා.
