අමෙරිකාවේ වොෂින්ටන් ඩී.සී. හි පොදු බස් රථයක ඇති වූ බහින්බස් වීමක් ප්රචණ්ඩකාරී වෙඩි තැබීමක් දක්වා දුරදිග යාමෙන් පුද්ගලයින් පස් දෙනෙකු තුවාල ලබා තිබෙනවා.
මෙම සිදුවීම ඊයේ අධික රථවාහන තදබදයක් පවතින සවස් කාලයේදී සිදුවී ඇති බවයි විදෙස් වාර්තාවල දැක්වෙන්නේ.
වෙඩි තැබීමෙන් බාල වයස්කරුවන් දෙදෙනෙකු සහ වැඩිහිටියන් තිදෙනෙකු තුවාල ලබා ඇති බව මෙට්රොපොලිටන් පොලිසිය තහවුරු කරනවා.
තුවාල ලැබූ කිසිවෙකුගේ තත්ත්වය මාරාන්තික නොවන බවත්, ඔවුන් සියලු දෙනාම මේ වන විට ප්රතිකාර සඳහා ප්රදේශයේ රෝහල් වෙත ඇතුළත් කර ඇති බවත් බලධාරීන් පවසනවා.
වෙඩි තැබීමෙන් පසු සැකකරු ප්රදේශයෙන් පලා ගොස් තිබෙනවා.
ඔහු මුහුණු ආවරණයක් සහ කළු සහ සුදු පැහැති පිජාමා කලිසමක් පැළඳ සිටි අයෙකු බවට හඳුනාගෙන ඇතත්, බ්රහස්පතින්දා රාත්රිය වන තෙක් කිසිදු සැකකරුවෙකු අත්අඩංගුවට ගෙන නැහැ.
