අබිරහස් ලෙස අතුරුදහන් වූ ත්රිරෝද රථ රියදුරෙකු සොයා පානදුර බදුවිල වෙල්යායේ විශේෂ සෝදිසි මෙහෙයුමක් ක්රියාත්මක කර තිබේ.
මීට දින 40කට පෙර නාඳුනන කාන්තාවක් සමඟින් කුලී ගමනක් යාමෙන් අනතුරුව මෙම ත්රිරෝද රථ රියදුරු අතුරුදහන්ව ඇත.
මහා පරිමාණ මත්ද්රව්ය ජාවාරම්කරුවකු මෙන්ම සංවිධානාත්මක අපරාධකරුවකු වන පානදුර සලිඳු නමැත්තා විදේශගතව සිටියදී, ඔහුට අයත් යම් දෙයක් සොරකම් කිරීමේ සිද්ධියකට මෙම ත්රිරෝද රථ රියදුරු සහ වඳුරාමුල්ල ප්රදේශයේ තවත් පුද්ගලයකු පැහැරගෙන පහරදීමේ සිද්ධියක්ද 2021 වසරේදී වාර්තා වූ බව පොලිසිය පවසයි.
එහිදී අනෙක් පුද්ගලයා ජීවිතක්ෂයට පත්ව ඇති අතර, එම ඝාතනය ඇසින් දුටු එකම සාක්ෂිය මෙම අතුරුදහන් ත්රිරෝද රථ රියැදුරා බව විමර්ශනවලදී අනාවරණ වී තිබේ.
