ඔක්තෝම්බර් 5 වන දින ලෝක ගුරු දිනය ලෙස නම් කර ඇත්තේ යුනෙස්කෝ ආයතනය විසින් ලෝක ගුරු ප්රඥප්තිය අත්සන් කිරීමට යෙදුණේ එදින බැවින් නිසාවෙනි.
කෙසේ නමුත් ලංකාවේ ලෝක ගුරු දිනය සමරනු ලබන්නේ ඔක්තෝම්බර් 6 වැනිදායි.
එයට හේතුව, ගුරුවරුන්ගේ දිගුකාලීන අරගලයක ප්රතිඵලයක් ලෙස ශ්රී ලංකා ගුරු සේවා ව්යවස්ථාව සම්මත කර ගනු ලැබූයේ 1994 ඔක්තෝම්බර් 6 වැනිදා වීමයි.
ගුරුවරයෙකුට තම සිසුන්ගේ පැවැත්ම කෙරෙහි පරිවර්තනීය බලපෑමක් ඇති කිරීමට විශිෂ්ට අවස්ථාවක් හිමි වෙනවා.
ඔවුන් තම සිසුන්ගේ දීප්තිමත් අනාගතය සැකසීමට සහ පුද්ගල තෘප්තිය ලබා දීමට උපකාර කිරීමෙහි මහගු කාර්යයක් ඉටු කරන බවද අප හොදින්ම හදන්නා කාරණයක්.
ගරු කිරීමට සුදුසු තැනැන්තා, ගුරුවරයායි.
සිය ගෞරවාන්විත සේවාව හේතුවෙන් සමාජයේ වන්දනීයත්වයට භාජනය වන එකම තැනැත්තා ද ගුරුවරයායි.
සෙසු වෘත්තිකයන් නොලබන සමාජ ගෞරවයක් සහ, වන්දනීය බවක් ලබන්නේත් ගුරුවරයාය යන්න සත්යයක්.
සෑම ප්රශස්ත ගුරුවරයකුගේම අරමුණ වන්නේ තමා තරුවක් නම් තම සිසුවා සුර්යයා මෙන් බබළනු දැකීමයි.
එබඳු උදාර වූ, උතුම් වූ චින්තනයකින් පිරිපුන්ව සිය සේවාව සිදු කරන එකම වෘත්තිකයා වන්නේ ද ගුරුවරයා පමණයි.
