වීරඹුගෙදර සහ බෙම්මුල්ල පොලිස් බලප්රදේශයන්වලින් සැකකටයුතු මරණ දෙකක් වාර්තා වන බව පොලිසිය පවසනවා.
පොලිසිය කියා සිටියේ ඊයේ(26) දහවල් වීරඹුගෙදර, ගෝනව, දෙමටලන්දවත්ත ප්රදේශයේ ළඳු කැළෑ ප්රදේශයක සැකකටයුතු ලෙස මියගිය කාන්තා මළ සිරුරක් ඇති බවට වීරඹුගෙදර පොලිසියට ලද තොරතුරක් මත විමර්ශන ආරම්භ කර ඇති බවයි.
ගෝනව, වීරඹුගෙදර ප්රදේශයේ පදිංචි වයස අවුරුදු 65ක පමණ කාන්තාවක් මෙලෙස සැකකටයුතු ලෙස මියගොස් ඇති බවයි පොලිසිය පවසන්නේ.
මරණකාරියගේ ගෙලෙහි කුඩා ලණුවක් නිරීක්ෂණය වී ඇති අතර කාන්තාවවගේ මෘත ශරීරය ආසන්නයේ ඇයට අයත් බවට සැක කරන ගමන් බෑගයක් හා මුදල් පසුම්බියක්ද වැටී තිබී පොලිසිය විසින් සොයාගෙන තිබෙනවා.
මරණයට හේතුව මෙතෙක් අනාවරණය වී නොමැති අතර වීරඹුගෙදර පොලිසිය වැඩිදුර විමර්ශන සිදු කරනු ලබනවා.
මේ අතර බෙම්මුල්ල, බාස්ලියැද්ද ප්රදේශයේ වෙල් යායක පුද්ගලයෙකු පිළිස්සී මියගොස් ඇති බවට බෙම්මුල්ල පොලිස් ස්ථානයට ලද තොරතුරක් මත විමර්ශන ආරම්භ කර ඇති බව පොලිසිය පවසනවා.
මරණකරු වයස අවුරුදු 76ක් පමණ වූ බෙම්මුල්ල ප්රදේශයේ පදිංචිකරුවෙක් බවයි පොලිසිය කියා සිටියේ.
මෘත ශරීරය සම්බන්ධයෙන් මහේස්ත්රාත් පරීක්ෂණය සහ පශ්චාත් මරණ පරීක්ෂණය සිදු කිරීමට නියමිතව ඇති අතර මෙම මරණය ඝාතනයක්ද යන්න අනාවරණය කරගැනීමට බෙම්මුල්ල පොලිසිය වැඩිදුර විමර්ශන සිදු කරනු ලබනවා.
