නිව්යෝර්ක් ටයිම්ස් පුවත්පත කරන ලද සමීක්ෂණයකට අනුව “මයින්ඩ් ෆුල්නස් ඉන් පේන් ඉන්ග්ලිෂ්” යන කෘතිය ලොව පුරා තිබෙන බෞද්ධ භාවනා කෘති අතරින් ප්රධානතම කෘතිය ලෙස නම් කර තිබෙනවා.
එම කෘතිය රචනා කරන ලද්දේ මහාචාර්ය අග්ර මහා පණ්ඩිත හෙනේපොල ගුණරතන ස්වාමින් වහන්සේ විසිනුයි.
උන්වහන්සේ අමෙරිකා එක්සත් ජනපදයේ සහ කැනඩාවේ ප්රධාන සංඝනායක ලෙස කටයුතු කරන අතර අමෙරිකා එක්සත් ජනපදයේ “වෙස්ට් වර්ජිනියා” භාවනා මධ්යස්ථානාධිපති ලෙසද කටයුතු කරනු ලබනවා.
දැනට 95 වන වියේ පසු වන උන්වහන්සේ විසින් රචිත මෙම කෘතිය භාෂා 30 කට අධික ප්රමාණයකට ලොව පුරා පරිවර්තනය කර ඇති අතර මෙම කෘතිය අමෙරිකාවේ වසර 10 ක් පුරා හොදම විකුණුම් කෘති අතරට ද නම් කර තිබෙනවා.
භාවනාවෙන් සිත දියුණු කර ගැනීම ඇතු`ඵ ජීවිතය පිළිබද කියා දෙන මෙම කෘතිය “නිව් යෝර්ක් ටයිම්ස්” පුවත් පත කරන ලද සමීක්ෂණයෙන් තෝරා ගනු ලැබුවේ විශ්ව විද්යාල මහාචාර්යවරුන්, විද්යාඥයින් මෙන්ම භාවනා ගුරුවරුන් යනාදි පිරිස් අතරින් වීම මෙහි ඇති විශේෂත්වයයි.
මේ අනුව “මයින්ඩ් ෆුල්නස් ඉන් පේන් ඉන්ග්ලිෂ්” යන මෙම කෘතිය අමෙරිකාවේ පමණක් මිලියන 10 කට අධික පිටපත් සංඛ්යාවක් මුද්රණය කර ඇති අතර ලොව පුරා රටවල් රැසක මෙම කෘතිය ප්රධාන අත්පොත ලෙස භාවිත කිරීමට ද තීරණය කර තිබෙනවා.
තායිලන්තයේ විශ්ව විද්යාල සදහා විෂය නිර්දේශයට ද මෙම කෘතිය ඇතුලත් කර තිබීම විශේෂත්වයක්.
එමෙන්ම මෙම කෘතිය ලොව පුරා රටවල්වල “මයින්ඩ් ෆුල්නස්” හෙවත් නිවැරදි සිහිය පිහිටුවා ගැනීම යන කාරණය පිළිබද ඉගැන්වීමේ අත්පොත ලෙස ද හදුන්වා දී තිබෙනවා.
ශ්රී ලාංකික භික්ෂුවක් වන මහාචාර්ය අග්ර මහා පණ්ඩිත හේනේපොල ගුණරතන ස්වාමින් වහන්සේගේ මෙම විශේෂිත කෘතිය හේතුවෙන් ශ්රී ලංකාවට ද විශාල කීර්තියක් ලැබීම බොහෝ ප්රසංශනීය බවයි අමෙරිකා එක්සත් ජනපදයේ “වෙස්ට් වර්ජිනියා” භාවනා මධ්යස්ථානයේ කෘත්යාධිකාරි ආචාර්ය ඇත්කදවක සද්ධාජීව ස්වාමීන්වහන්සේ “වී එෆ් එම්” ප්රවෘත්ති වෙත අදහස් දක්වමින් කියා සිටියේ.
මෙම කෘතියෙන් ලැබෙන සියලුම ආදායම ශ්රී ලංකාවේ ඉගෙනුම ලබන සිසුන් වෙත පිරිනමන බවද උන්වහන්සේ වැඩිදුරටත් කියා සිටියා.
