නව විදුලිබල පනත අප්‍රේල් මාසයේ පාර්ලිමේන්තුවට

විදුලිබල මණ්ඩල සංශෝධිත නව පනත් කෙටුම්පත අප්‍රේල් මාසයේදී පාර්ලිමේන්තුවට ඉදිරිපත් කර සම්මත කිරීමට බලාපොරොත්තු වන විදුලිබල හා බලශක්ති අමාත්‍ය කංචන විජේසේකර මහතා පවසනවා.

මෙම නව පනත් කෙටුම්පතේ නිශ්කාශණ කටයුතු සදහා නීති දෙපාර්තමේන්තුව වෙත මේ වන විට යොමු කර ඇති බවටයි ඒ මහතා කියා සිටියේ.

ඉන් අනතුරුව කැබිනට් මණ්ඩලයට යොමු කොට අනුමැතිය ලබාගැනීමෙන් පසුව පාර්ලිමේන්තුවට ඉදිරිපත් කරන බවටයි බලශක්ති අමාත්‍යවරයා පැවසුවේ.

මිල සූත්‍රය සම්බන්ධයෙන් පාර්ශවකරුවන් කැඳවා ඔවුන්ගෙන් විමසීම් සිදුකොට ඉන්ධන මිල තවදුරටත් අඩු කිරීමට සූදානම් බවද කංචන විජේසේකර මහතා වැඩිදුරටත් කියා සිටියා.