තිරසර සංවර්ධනය සඳහා වූ 10 වැනි ආසියා ශාන්තිකර සංසදයේ උප සභාපති ධුරය මුදල් රාජ්ය අමාත්ය ශෙහාන් සේමසිංහ මහතාට හිමිව තිබෙනවා.
මේ දිනවල තායිලන්තයේ බැංකොක් නුවර පැවැත්වෙන මෙම සමුළුවේ දී 2030 වර්ෂය සඳහා වන තිරසර සංවර්ධන න්යාය පත්රය ක්රියාවට නැංවීම සම්බන්ධයෙන් සාමාජික රටවල් විසින් සිදු කරන ස්වේච්ඡා ජාතික සමාලෝචනයන් ඉදිරිපත් කරන අතර එහි දී රෑරාජ්ය අමාත්යවරයා අවධාරණය කළේ, තිරසර සංවර්ධන ඉලක්ක සඳහා වූ ජාත්යන්තර මට්ටමේ වැඩසටහනක් ක්රියාත්මක වීම හුදෙක්ම රට රටවල් එකිනෙකාගේ පැවැත්ම කෙරෙහි දක්වන සංවේදීතාවය පෙන්නුම් කරන්නක් බවයි.
මේ අතර අමාත්යවරයා වැඩිදුරටත් සඳහන් කළේ, ගෝලීය අර්බුදයක් හමුවේ මෙම ඉලක්ක වෙත ළඟා වීම යම් මන්දගාමී ස්වරූපයක් ගනු ලැබුව ද ජාතික වැඩසටහන් තුළින් සිය තිරසර සංවර්ධන ඉලක්ක සපුරා ගැනීමේ දෙවන හා තෙවන අදියරයන් හි වැඩසටහන් සඳහා අනුගත වීමට රටවල් කටයුතු කර ඇති බවයි.
රාජ්ය අමාත්යවරයාගේ දේශනය අතරතුර ඔහු වැඩිදුරටත් කියාසිටියේ නායකත්වය හා සහයෝගීතාවය තුළින් ගෝලීය වපසරිය තුළ පසුගාමී රටවල් සඳහා අත්වැලක් සැපයීමට අන් සෑම රටකටම හැකියාව ලැබෙන බවයි.
