මැතිවරණය කල් දැමීමට එරෙහිව ජාතික ජන බලවේගය සංවිධාන කරන විරෝධතාවක් අද කොළඹදී පැවැත්වෙනවා.
කොළඹ විහාරමහාදේවී උද්‍යානය අසලින් පස්වරු 2.30ට මෙම විරෝධතාව ආරම්භ වීමට නියමිතයි.
මේ අතර මෙම විරෝධතාව සම්බන්ධයෙන් පොලිසිය අධිකරණ නියෝගයක් ලබා ගෙන තිබෙනවා.
උද්ඝෝෂනයට එක්වන පිරිස්වලට රාජ්‍ය ආයතනවලට අතුළුවීම තහනම් බවට කොටුව මහේස්ත්‍රාත් අධිකරණය නියෝග කර ඇති බව පොලිසිය සදහන් කළා.
කොටුව , කොල්ලුපිටිය සහ කොම්ඤ්ඤවීදිය අධිකරණයෙන් කළ ඉල්ලීමකට අනුව කොටුව මහේස්ත්‍රාත් තිළිණ ගමගේ මහතායි මෙම නියෝගය ලබා දී ඇත්තේ.
ඒ අනුව උද්ඝෝෂකයින්ට ජනාධිපති මන්දිරයට , මුදල් අමාත්‍යංශයට සහ ජනාධිපති ලේකම් කාර්යාලයට මෙන්ම ගාලු මුවදොරට ඇතුලුවීම තහනම් වනවා.
කලහකාරීව හැසිරෙමින් රාජ්‍ය දේපලවලට හෝ මහජනතාවට හානි සිදුකරමින් කටයුතු කරන්නේ නම් ඔවුන්ට එරෙහිව පවතින නීතිමය ප්‍රතිපදන යටතේ කටයුතු කරන ලෙසයි අධිකරණය පොලිසියට දැනුම් දී ඇත්තේ.
