කෙහෙළිය, උඹලට මොනා කියන්නද කියලා මට තේරෙන්නෑ.

මේ දවස්වල වැඩියෙන්ම කතාවෙන පවුලක් තමයි කෙහෙළිය රඹුක්වැල්ල පවුල.

කෙහෙළිය රඹුක්වැල්ල, බිරිඳ, දියණියන් දෙදෙනා සහ බෑනා රක්ෂිත බන්ධනාගාර ගත කර සිට ඇප මත නිදහස ලැබුවා.

මේ කියන්න යන්නේ ඒ ඇප ලබා නිදහස් වූ සිදුවීම නෙවෙයි.

මෙරට ජනප්‍රිය රංගන ශිල්පියෙක් වන ගිරිරාජ් කෞෂල්‍ය මහතාගේ දියණිය වන අමන්ද්‍යා උත්පලී සිය ෆේස්බුක් පිටුවේ තබා තිබූ සටහනක් සම්බන්ධයෙනි.

අමන්ද්‍යා උත්පලී කියන්නෙත් කලා ක්ෂේත්‍රයේ වත්මන් පරපුරේ ජනප්‍රිය ගායන ශිල්පිනියක් මෙන්ම රංගන ශිල්පිනියක් වනවා.

අදාළ සටහන පත පරිදි වේ…

කෙහෙළිය ට ලියමි!

පහුගිය අවුරුද්දේ අගෝස්තු මාසේ දවසක, මම රන්වල බලකාය එක්ක ඇමරිකා එක්සත් ජනපදයේ සංචාරයකට යන්න සූදානම් වෙමින් හිටියේ. තාත්තා ඒ වෙනකොට අපේක්ෂා රෝහලේ දැඩිසත්කාර ඒකකයේ.

හදිස්සයේ අම්මා මට කතා කරලා කිව්වා “Doctor පුලුවන් ඉක්මනට ගේන්න කියලා බෙහෙතක් දුන්නා ඉස්පිරිතාලේ නෑ, ඔයා හොයලා මේක අරන් දැන්ම එනවද?” කියලා. මං ඒ වෙලාවේ හිටියේ බලකායේ කට්ටියත් එක්ක රාජගිරියේ shop එකක. එවෙලෙම prescription එක ගෙන්නගෙන දන්න කියන හැම තැනකටම Call කර කර බෙහෙත හොයන්න ගත්තා.

හැම තැනකින්ම කිව්වේ ඒ බෙහෙත ලංකාවේ කොහෙවත් නෑ කියලා.මට ඒ වෙලාවේ කර කියා ගන්න දෙයක් නැති කමට shop එකේ බංකුවක වාඩි වෙලා ඇඬුවා. මගේ යාලුවොත් ආපු වැඩේ පැත්තක දාලා බෙහෙත හොයන්න ගත්තා. එහෙම හම්බුණ contact එකකින්, එකම එක pharmacy යක බෙහෙත තියෙනවා කියලා දැන ගන්න ලැබුණට අදාළ brand එකෙන් නෙමෙයි බෙහෙත තිබුණේ.

ඒත් ෘදජඑදර කිව්වා තියන එක ගේන්න තාත්තා ට ඉක්මනටම බෙහෙත දෙන්න ඕනේ කියලා. Vial 7ක් ගන්න රු. 420,000.00 මුදලක් ගියා. එදා ඉදන් දවස් 3ක් ඒ බෙහෙත ඕනේ උණා. ලක්ෂ 15කට ආසන්න ගානක් ඒ දවස් තුනට විතරක් අපිට වියදම් උණා.

එදා තාත්තට දුන්නේ මෙන්න මේ  IVIG(Iv human immunoglobulin) කියන බෙහෙත.
කෙහෙළිය, උඹලට මොනා කියන්නද කියලා මට තේරෙන්නෑ. කර්මයෙන් ගැලවෙන්න නම් බැරි වෙයි!

උපුටා ගැනීම අමන්ද්‍යා උත්පලීගේ ෆේසුබුක් පිටුවෙනි.